جمهور رئیس غنی باشچیلیگیده بولیب اوتگن خوفسیزلیک ییغیلیشده، کابل خوفسیزلیک ریجه‌سی تطبیقی اوستیده بحث قیلیندی

جمهور رئیس غنی باشچیلیگیده بولیب اوتگن خوفسیزلیک ییغیلیشده، کابل خوفسیزلیک ریجه‌سی تطبیقی اوستیده بحث قیلیندی

بوگون کیچ ارگ‌ده افغانستان اسلامی جمهوریتی جمهور رئیسی محمد اشرف غنی باشچیلیگیده بولیب اوتگن خوفسیزلیک ییغلیشده کابل خوفسیزلیک ریجه‌سی محاکمه قیلینگندن علاوه اونینگ قنده‌ی عملگه آشیریش اوستیده هم بحث آلیب باریلدی.
ویدیو کنفرانس آرقه‌لی بولیب اوتگن مذکور ییغیلیشده، بیرینیچیدن، ملی خوفسیزلیک بوییچه مصلحتچی داکتر حمدالله محب، کابل عمومی خوفسیزلیک وضعیتیدن علاوه، خوفسیزلیک اداره‌لر اورته‌سیده موافقلشتیریش میزانی آشگنی حقیده گپیریب، کابل خوفسیزلیک ریجه‌سینی ییغیلیش‌گه پایلشدی. کابل خوفسیزلیگینی یخشی‌لشتیریش اوچون اوشبو ریجه تیز آره ده عملگه آشیریله‌دی دیدی محب جنابلری.
مذکور ریجه و معلوماتنی تینگله‌گن جمهور رئیس غنی، ملی خوفسیزلیک بوییچه مصلحتچی و امنیتی اداره‌لر مسووللریگه تشکرلیک بیلدیریب، کابل خوفسیزلیگی تامینله‌نیشی اوچون خوفسیزلیک بوییچه معقول ریجه توزیلگن دیدی. بو ریجه تیزلیکده عملده تطبیق ایتیلیشی اوستیده اورغوله‌دی مملکت رهبری. 
جمهور رئیس، اوشبو ریجه تطبیق ایتیلیشی اوچون انیق سعی و حرکت کیره‌ک و اونینگ عملی بولیشی بیلن، کوتیلگن نتیجه‌گه ایریش ضرورلیگینی بیلدیردی. اونینگ سوزلریگه کوره، اهالی نینگ اساسی ایسته‌گی امنیت تامینله‌نیشی دیر  و اوشبو دستور ایسه کیچیکتیریلمسدن بوتکول عملی  ایتیلیشی کیره‌ک.
جمهور رئیس نینگ ایتیشیچه، بو ریجه عملگه آشیریلیشی اوچون خوفسیزلیک اداره‌لر توسیققه اوچره‌مه‌ی و کیچیکمس‌لیکلری اوچون خوفسیزلیک اداره‌لر دییرلی صلاحیت، امکانیت و منبعگه ایگه‌لر.
کابل خوفسیزلیگینی تامینلش حکومت‌نینگ بیرینچی دستوری ایکینی‌گه اشاره قیلگن غنی جنابلری، مذکور ریجه عملگه آشیریلیشی اوچون خوفسیزلیک اداره‌لر کابل بلدیه‌سی و کابل ولایتی بیلن قوشمه همکارلیک قیلیشلری کیره‌ک دیدی.
بو ریجه اساسیده کابل اولسواللیکلری‌نینگ امنیتیگه اعتبار قره‌تیلیشینی تیلگه آلگن جمهور رئیس غنی، خوفسیزلیک اداره‌لری فعالیتلری توغریسیده‌گی گزارشنی هر هفته ملی خوفسیزلیک کینگشی بیلن پایله‌شیشی ضرور دیدی.
امنیت تامینله‌نیشی یولیده اهالی‌نینگ همکارلیگیگه اشاره قیلگن غنی جنابلری، تیگیشلی اداره‌لرگه افغانستان انسان حقوقلری مستقل کمیسیونی نینگ ایکّی خادمی فاطمه خلیل و احمد فولاد اوستیگه هجوم قیلگنلر قولگه آلینیب جزاله‌نیشینی بویروق بیردی.
خوفسیزلیک اداره‌لری اوز حرکتلرینی کوپه‌یتیریشی خصوصیده اورغوله‌گن مملکت رهبری، مین سیزلردن ترورچیلیک، پارتلش و جنایتگه‌نینگ آلدینی آلیش قوشیمچه عدلی و قضایی ادالرنینگ قراری تطبیق بولیشینی سوره‌یمن دیب تیلگه آلدی.
باشقه تاماندن جمهور رئیس غنی، تیگیشلی اداره‌لر مسووللریگه ترافیکی توسیق همده کانکریتی دیوارلرنی کوتریشلریگه بویروق بیریب، کوچه‌لر و یوللر ترافیک یوزیگه آچیلسین و حکومت بلند مرتبه‌لی رسمیلری اوتیب – قیتیشی اوچون آدملرگه مزاحم بولمسلیگی اوچون بولرگه خط السیر آلینمس‌لیگینی بویویردی.
شونینگدیک، جمهور رئیس غنی، خاتین – قیزلر خوفسیزلیگی تامینله‌نیشی و اولر اوزینی خوفسیز حس قیلیشی اوچون جدی چاره تدبیر کوریلیشی ضرورلیگینی بیلدیردی. خایتن – قیزلرنینگ شکایتیگه ییتیش اوچون شهری ترانسپورت‌نینگ خوفسیزلیگی جدی نظرده توتیلشینی قوشیمچه قیلدی او.
مذکور ییغیلیشده، خوفسیزلیک اداره‌لرنینگ مسووللریدن، کابل خوفسیزلیک ریجه‌سینی عملگه آشیریش خصوصیده اوچ هفته گچه گزارشلرینی جمهورلیک ریاستی عالی مقامی‌گه یوباریشلرینی سوره‌دی.
ییغیلیش یکونیده، ملی خوفسیزلیک بوییچه مصلحتچی داکتر حمدالله محب، خوفسیزلیک و دفاعی اداره‌لر مسووللری نماینده‌لیگیده، آدملرنینگ خوفسیزلیگی تامینله‌نیشی اوچون کابل خوفسیزلیک ریجه‌سی بوتکول تطبیق بوله‌دی دییه جمهور رئیس‌گه ایشانچ بیردی.#