غزنی، میدان وردک، لوگر و زابل ولایتلریده‌گی عمومی خوفسیزلیک وضعیت تېکشریلدی

غزنی، میدان وردک، لوگر و زابل ولایتلریده‌گی عمومی خوفسیزلیک وضعیت تېکشریلدی

بوگون توشدن آلدین افغانستان اسلامی جمهوریتی جمهور رئیسی محمد اشرف غنی باشچیلیگیده بۉلیب اۉتگن خوفسزلیک ییغیلیشده، غزنی، میدان وردک، لوگر و زابل ولایتلری‌نینگ عمومی خوفسیزلیک وضعیتی تېکشیریلدی. 

ویدیو کنفرانس آرقه‌لی بۉلیب اۉتگن اوشبو ییغیلیشده، بیرینچیدن ملی خوفسیزلیک مصلحتچیسی داکتر حمدالله‌ محب، مذکور ولایتلر خوفسزیلیگی تۉغریسیده‌ اۉرگنگن تېکشیرووینی ییغیلیشگه پایله‌شیب، مملکت‌نینگ خوفسیزلیک و دفاعی کوچلری دشمن‌نینگ تهدیدلری همده احتمالی هجومینی برطرف قیلیش اوچون تیار ایکن‌لیکلرنی تیلگه آلدی. 

سۉنگ، ملی خوفسیزلیک عمومی ریاستی‌نینگ سرپرستی احمد ضیا سراج، ملی مدافعه وزیرلیگی‌نینگ لوی درستیزی ستر جنرال بسم‌الله وزیری و ایچکی ایشلر وزیرلیگی‌نینگ امنیتی ایشلری بۉییچه معینی ستر پاسوال عبدالصبور قانع، اوشبو ولایتلرنینگ ایریم حدودلریده دشمن‌نینگ تهدیدلری بیکار قیلینگنی خصوصیده گپیردیلر. 

خوفسیزلیک اداره‌لرنینگ اوشبو مسووللری، اولکه‌نینگ قۉرقمس خوفسیزلیک و دفاعی کوچلری هر دقیقه مملکت‌نینگ قریچ – قریچ توپراغینی مدافعه قیله‌ دیلر. ملی کوچلر امنیت تامینله‌نیشی و آدملر حمایه قیلیش یۉلیده هر دایم دشمن‌نینگ شوم ریجه‌لرینی بیکار قیله‌دیلر دېدی رسمیلر.

مملکت خوفسیزلیک و دفاعی کوچلری‌نینگ سعی وحرکتی و فداکارلیگیدن منتدارچیلیک بیلدیرگن جمهور رئیس همده قوراللی کوچلر اعلی باش قوماندانی، خوفسیزلیک اداره‌لر رسمیلریگه، دشمن‌نینگ تهدیدی آلدی آلنیشی، امنیت تامینله‌نیشی و اهالی حمایه‌‌له‌نیشی تۉغریسیده لازم بویروق بېردی.

جمهور رئیس‌نینگ سۉزلریگه کۉره، خوفسیزلیک و دفاعی کوچلری کۉچه و کوندوز مملکت خلقی و مالینی سقلب و امنیت تامینله‌نیشی، عامه نظم و قانون حاکمیتی اوچون سعی وحرکت قیله‌دیلر. خوست ولایتی‌نینگ نماینده‌لری بیلن بۉلگن اوچره‌شووده، اولرنینگ ایستکلرینی اېشیتیب اونی تطبسق اېتیش حقیده تېگیشلی اداره‌لرگه لازم بویروق بېریلدی دېب اَیتدی جمهور رئیس غنی