جمهور رئیس غنی: افغانستان بیراغی بیزنینگ قدر- قیمتیمیز، شرفیمیز، بیرلیگیمیز و تینگلیگیمیز بیراغی دیر

جمهور رئیس غنی: افغانستان بیراغی بیزنینگ قدر- قیمتیمیز، شرفیمیز، بیرلیگیمیز و تینگلیگیمیز بیراغی دیر

بوگون کیچ قورون افغانستان اسلامی جمهوریتی جمهور رئیسی محمد اشرف غنی، مملکت بیراغینی کوتریب، انه شو مناسبت بیلن اوتکزیلگن ییغیلیشده گپیردی. انه شو مناسبت بیلن ارگ ده بولیب اوتگن ییغیلیشده جمهور رئیس نینگ اورین باسرلری، کابینه نینگ بیر قنچه اعضالری، خوفسیزلیک و دفاعی اداره لر مسووللری قوشیمچه دولت اداره لری رسمیلری قتنشگن ایدیلر. جمهور رئیس غنی بیراق ملی کونینی تبریکلشدن علاوه، افغانستان بیراغی جمهوریت بیلگیسی، خلق تینگلیگی، امنیتی و دفاعی کوچلرنینگ باورمندلیگی، عیاللر تعهدی و بوتون خلقیمیزنینگ اراده سی دیب ایتدی. جمهور رئیس نینگ سوزلریگه کوره، اوزاق اوتمیشدن بیری، بخدی بیزلرنینگ رسم و رواج، عنعنه و حماسه لریمیز بلند بیراقلر شهری دیب اتلگن، اوشه زماندن بیری افغانستان نیچه مینگ ییلدن بیری دوام ایتیب و ملی کیملیککه ایگه و بیزلرنینگ برچه افسانه لریمیزده قهرمانلریمیزنینگ بیراغی هلپیره ب تورگن.اونگه کوره، زابلیک رستم نیمروزدن ایدی، اونینگ ییریک رزمی بیر بیراغی بار ایدی. احمدشاه بابا و تاریخیمیزنینگ باشقه قهرمانلری تورلی دورلرده بیراق بیلن پارله گنلر و قدیمگی بلخ ده مولا علی نینگ جهنده سی بیزلرنینگ مبارک عنعنه میزنینگ تکراری و اسلامی قدریتلردن حسابلنه دی. جمهور رئیس غنی، بن کیلیشوودن سونگ نیمروز ولایتیده افغانستان بیراغی چیگره کوچلریمیز تامانیدن کوتریلگنی تاریخ ده منگو قاله دی دیدی. ملی کوچلریمیز بیراقنی افغانستان بیزگه تاپشیرگن بونینگ یولیده جان بیره میز، لیکن اونی ییرگه قویمه یمیز دیگنلر دیدی غنی جنابلری. شونینگدیک جمهور رئیس غنی، مذکور بیراقنی ملالی میوندده کوتردی و بیراق یانیده مولانا، امیر علی شیر نوایی، خوشحال خان ختک و باشقه شاعرلریمیزنینگ شعری بیزلرنینگ مشترک قدریتیمیز حسابلنه دی چونکه اونینگ اصلی محوری عدالت دیر دیب ایتدی. مملکت رهبری غنی جنابلری، امیر علی شیر نوایی و خوشحال خان ختک عدالت ممکن بولمه گن تیزیمدن عدالت ایسته گنلر، مگر جمهوریت ده عدالت ممکن دیر چونکه وطنداشلیک، قانون برابریده تینگلیک، قانوندن پیرولیک، بیرچه میزنینگ باغلش نطقه سی دیر و جمهوریت ده ایسه قانون حاکم دیدی.ملا هبت الله نینگ اعلامیه سیگه اشاره قیلگن جمهور رئیس غنیگه کوره، او مردم دن مینگه بوی سونیگلر دیدی. مین جواب بیریشنی ایسته دیم، دیمک مینیگ جوابیمنی بوگون افغانستان اونگه بیردی و افغانستان نینگ هر بیر نطقه سیده مملکت بیراغینی هلپیره تیب کوتردیلر.  افغانستان بیراغی بیزلرنینگ قدر و قیمت، شرف، بیرلیک و تینگلیگیمیز دیر. طالبلر گروهیگه خطاب قیلگن جمهور رئیس غنی، بیزلر سیزلرنینگ افغانستانگه قیتیشینگیزنی ایسته یمیز و هیچ بیر زمان بیگانه لر قولیده اویینچاغ بولمه گنلر. افغانلرنی اولدیرمنگ چونکه افغانلرنی نشانگه آلیش هیچ قنده ی فخر و حثیت ایمس دیر.  کیلینگ افغانستاننی قوره یلیک.جمهور رئیس غنی نینگ کوپه یتیریشیچه، بیزلر خلقیمیزنینگ کلیدی قدریتلر باره سیده خبردار قیلیشیمیز کیره ک. خوفسیزلیک و دفاعی کوچلرنینگ مسووللریگه ینه بیر مرته تشکرلیک قیلگن غنی جنابلری، کونگیلی هر بیر عسکر، وطن فداکاری، حقیقی قهرمان و جمهوریت قدریتلرینی سقلاووچی دیرلر. جمهور رئیس غنی اوزی نینگ یکونی صحبتلریده، هر بیر مرته سپورتچیلریمیز خلق ارا بیلشوو میدانلریده افغانستان بیراغینی کوتریب ملی سرودنی ینگره تگنلریده برچه میز غرور بیلن فخرلنه میز دیدی. هر بیر دولت و ملت یالغوز مادی ارزشلر بیلن ایمس، بلکه معنوی قدریتلر بیلن تانیله دیلر دیب قوشیچمه قیلدی مملکت رهبری.#