مدافعه و ایچکی ایشلر وزیرلیکلری نینگ تدارکاتی ایشلری تېزلشتیریلیشی مقصدیده ملی تدارکات کمیسیونی نینگ فوق العاده ییغیلیشی بۉلیب اۉتدی

مدافعه و ایچکی ایشلر وزیرلیکلری نینگ تدارکاتی ایشلری تېزلشتیریلیشی مقصدیده ملی تدارکات کمیسیونی نینگ فوق العاده ییغیلیشی بۉلیب اۉتدی

اۉتگن کون کېچقورون ارگ ده افغانستان اسلامی جمهوریتی جمهور رئیسی محمد اشرف غنی باشچیلیگیده مدافعه و ایچکی ایشلر وزیرلیکلریگه پولی صلاحیت بېریش مقصدیده ملی تدارکات کمیسیونی نینگ فوق العاده ییغیلیشی بۉلیب اۉتدی.

اوشبو ییغیلیشده، مدافعه و ایچکی ایشلر وزیرلیکلری نینگ ۱۳۹۹ مالی ییلگه تېگیشلی کییم – کېچکلر پروژه سی نینگ پولی صلاحیتی باره سیده ملی تدارکات کمیسیونی نینگ آلدینگی ییغیلیشیده آلینگن قرار اوستیده بحث آلیب باریلدی. نهایت مذکور ایستک تۉغریسیده ملی تدارکات کمیسیونی هر تامانلمه بحث آلیب باریب اونی تصدیقله دی.

ایتیش کېره ک مدافعه و ایچکی ایشکلر وزیرلیکلری نینگ چَکنه خرید قیلیش بۉییچه پولی صلاحیتی کرونا ویروس ترقه لیشی آرتیدن اوچ آیگچه بېش میلیوندن ییگیرمه میلیونگه کۉپه یتیریلیشی کمیسیون تامانیدن تصدیقلنگن اېدی و اوشبو ییغیلیش اونینگ اوزه یتیریلیشینی ینه تصدیقله دی.

مذکور موضوع اوستیده بحث آلیب باریلگنده، جمهور رئیس غنی مدافعه و ایچکی ایشلر وزیرلیکلری قۉشیمچه ملی تدارکات اداره کمیسیونی و عالی مقام نینگ حقوق بۉییچه مصلحتچسی گه مذکور کېلیشوو موضوعلرینی تېکشیریب اولرنینگ قیینچیلیگینی برطرف اېتیش اوچون حل یۉلنی کېیینگی اۉلتیریشگه پیشنهاد قیلیشینی بویوردی.

کمیسیون نینگ بو ییغیلیشیده، بونینگ باشلیغی و اعضالریدن تشقری ملی تدارکات کمیسیونی مسووللری و خلق ارا نظارتچیلر قتنشگن ایدیلر.#