جمهور رئیس غنی، فواید عامه وزیرلیگی پروژه لری و منبعی ثمره لی باشقریلیشی و مذکور وزیرلیکده گی اصلاحات و شفافیت باره سیده تاکید قیلدی

جمهور رئیس غنی، فواید عامه وزیرلیگی پروژه لری و منبعی ثمره لی باشقریلیشی و مذکور وزیرلیکده گی اصلاحات و شفافیت باره سیده تاکید قیلدی

بوگون کیچ افغانستان اسلامی جمهوریتی جمهور رئیسی محمد اشرف غنی، فواید عامه وزیرلیگی نینگ مسووللری بیلن ویدیو کنفرانس آرقه لی اوتکزیلگن ییغیلیشده، اوشبو وزیرلیک ملی پروژه لری و منبعنی ثمره لی باشقریشی و وزیرلیکده گی اصلاحات و شفافیت اوستیده اورغوله دی.

بیرینچیدن فواید عامه وزیرلیگی نینگ سرپرستی محمد یما شمس، کابینه نینگ قراری اساسیده فواید عامه وزیرلیگی نینگ ایشلری، یوتوقلری، ملی پروژه لر عملگه آشیریلگنی، مذکور پروژه لرنینگ قوللاوچیلر همده شرطنامه لری و موجود قیینچیلیکلر توغریسیده اوزی نینگ گزارشینی جمهور رئیس بیلن پایلشدی.

ملی پروژه لر نظارت قیلینیشی، یوللر قوریلیشی، قابلیت یره تیش و استملاک قسمیده گی موجود قیینچیلیکلر اوچون اساسی ییچیم یول، کیلیشوولرگه میکانیزیم یره تیش، کیلیشوولر تنله نشی توغریسیده گی کوپراق انیقلیک بولیش و کیله جکده ایجابی اوزگیریش آلیب کیلیش کبی ایستکلرینی ییغیلیشگه بیلدیردی.

مذکور گزارش و قیینچیلیکلرنی ایشیتگن جمهور رئیس غنی، فواید عامه وزیرلیگی نینگ مسووللریگه بویروق بیریب، منابع و ملی پروژه لر باشقریلیشی، تعیینلنگن زمانده پروژه لرگه شفافیت و اصلاحات کیریتیش و اوشبو زویرلیک خادملری هر تامانلمه تیکشیریلیب انیق تکلیفنی جمهورلیک ریاستی عالی مقامیگه تاپشیریلسین دیدی.

اونگه کوره، فسادگه اره لشگن همده کیلیشیلگن پروژه لر عملگه آشیریلیشی اوچون بی فرق یانده شگن هر بیر کیشی عدلی و قضایی اداره لرگه تانیشتیرلیب بو شخص نینگ نامی کیله جکده محرومیت رویخطیگه کیریتیلسین.

جمهورلیک ریاستی ایشلری بوییچه عمومی اداره گه شهر قوریش وزیرلیگی نینگ استملاک خصوصیده گی معماسی ییچیلیشی اوچون ییغیلیش اوتکزیشنی بویوردی. غنی جنابلری، بو خصوصده انیق اصول یاروغلیگیده جدی چاره تدبیرگه احیاج بار دیب ایتدی.

جمهور رئیس غنی نینگ تاکیدلب ایتیشیچه، بحثیمیز پروژه لرنینگ اوستیده ایمس، بلکه اونینگ باشله نیشیده دیر تحرک بولمه گن هر بیر پروژه نینگ شرطنامه سی بیکار قیلینه دی. پروژه لرنینگ عملگه آشیریلیشی، پول منبعی تطبیق ایتیلیشده هر بیر نرسه دن کوره وقت بیزلر اوچون جوده اهیمتگه ایگه دیدی غنی جنابلری.

مملکت جمهور رئیسی، بوندن کیین تیگیشلی والیلر پروژه لرنینگ یخشی بجریلیشی، اره له شیش نینگ آلدینی آلیش، قیینچلیکلر ییچیلیشی، قولیلیک یره تیش و اجتماعی ایشلر اوچون پروژه لرگه اره له شیب و یوللردن ایسه انیق اقتصادی تحلیل بولیشی ضرورلیگینی تیلگه آلدی.