جمهور رئیس غنی ساغلیقنی سقلش وزیرلیگی رهبریتی بیلن اوچره شدی

جمهور رئیس غنی ساغلیقنی سقلش وزیرلیگی رهبریتی بیلن اوچره شدی

افغانستان اسلامی جمهوریتی جمهور رئیسی محمد اشرف غنی، ساغلیقنی سقلش وزیرلیگی رهبریتی و طبی کینگش رئیس بیلن بوگون ویدیو کنفرانس آرقه لی بولیب اوتگن اوچره شووده خادملرنینگ ان تی آی تیزیمی، معاشلر، تشکیلات، قوریلیش لایحه لری و معمالر محاکمه قیلیندی. 
ییغیلیشده ساغلیقنی سقلش وزیرلیگی نینگ اینیقسه صفتلی طبی خذمت کورسه تیش ثمره دارلیگینی آشیریش یوللری اوستیده بحث قیلندی.جمهور رئیس غنی طبی کینگشنی بیرچه  فاکولته لرنینگ ینگی طبیات بیتتیرووچیلرینی سرتیفیکیتلشتیریش و اهالیگه صفتلی طبی خذمتلرنی تقدیم ایتیش اوچون کوپراق ایشلرنی بجریشگه چقیردی. 
دستلب مالیه وزیرلیگی نینگ اورین باسری حسیب زدران، ساغلیقنی سقلش وزیرلیگی نینگ بودجه و خرجتلری حسابتی توغریسیده معلومات بیردی. ساغلیقنی سقلش وزیرلیگی نینگ خادملری نیچه کته گوری و ان تی آی سیستیم ده ایشلاوچیلر ایریم پروژه لردن معاش آله دیلر، معاشلرده معیار نظرده توتیلمه گن دیدی او.
گزارشنی ایشیتگندن سونگ جمهور رئیس محمد اشرف غنی، ساغلیقنی سقلش وزیرلیگی نینگ برچه خادملرینی بایموتریک بولیشی کیره ک لیگینی و بیته  سر لوحه یاکه بولیم آستیده ایشله یدیگن برچه لایحه لر ان تی آی تیزیمی بیلن بیرلشتیریلیشی کیره ک لیگینی ایتدی.
جمهور رئیس غنی، سرپرستلیک مدنیتی اوز پایانیگه ییتگن و ایش ایسه قابلیتلی کیشلرگه تاپشیریلیشی کیره کلیگینی تاکیدله دی. معیینتلر همده عمومی ریاستلر اوز وظیفه سینی معلوم قیلیشی ضرور دیدی غنی جنابلری.  
ساغلیقنی سقلش وزیرلیگی نینگ سرپرستی احمد جواد عثمانی، قوریلیش لایحه لر توغریسیده گی معلوماتنی تقدیم قیلیب ایتیشیچه، حاضر 126 ته پروژه بار، جمهورلیک ریاستی عالی مقامی نینگ حکمی اساسیده دولت اداره لریگه اوتکزیلگن، اما عملگه آشیریلمه گن دیدی.
جمهور رئیس غنی، ساغلیقنی سقلش وزیرلیگیگه قوریلیش لایحه لر، ناقانوین حرکتلر و باشقه برچه حالتلرنینگ دوام ایتمسلیگی تیکشیریلیشینی بویوردی. فسادگه قرشی کوره بوییچه تیشکیروونی اوتکزیش کیره ک و فسادگه علاقه دار شخصلرنینگ مملکت دن چیقیب کیتیشی منع ایتیلیب، محکمه نظارتی آستیده بولیشی کیره ک.
جمهور رئیس غنی، دولت باشقره لاوچیلیگیگه اوشبو ساحه ده فساد موجودلیگینی هر تامانلمه تیکشیره دیگن مخصوص کمیسیون تعیینله شنی تاپشیردی. 
اوچره شوو آخریده جمهور رئیس غنی، طبی کینگشگه ساغلیقنی سقلش موسسه لرینی بهالش بوییچه ساغلیقنی سقلش وزیرلیگی بیلن یقیندن ایشلشنی تاپشیردی چونکه کوپلب فاکولته لر طبی صنعتلرنی حسابلگه آلمه گن حالده بیتتیره دی.#