تینچلیک مذاکره باشله نیشی اوچون افغانستان دولتی نینگ مذاکره قیلووچی هیاتی تیارلیگی حقیده مطبوعاتی اعلامیه

ارگ، کابل: افغانستان اسلامی جمهوریت دولتی تینچلیک لایحه سی اوچون برچه تیارگرلیکلرنی بجرگن و افغانستان اسلامی جمهوریت دولتی نینگ مذاکره قیلووچی هیاتی تینچلیک مذاکره ده قتنه شیش مقصدیده قطر پایختی دوحه گه سفر قیلیش اوچون تیار. 
افغانستان دولتی نینگ مذاکره قیلووچی هیاتی جمهور رئیس غنی نینگ بویروغیگه بناً تینچلیک مذاکره باشله نیشی اوچون ایرته قطر پایتختی دوحه کیتیشی کوتیله دی. 
افغانستان اسلامی جمهوریت دولتی و طالبلر اورته سیده مذاکره باشله نیش مراسمیده ملی مصالحه کینگشی باشلیغی داکتر عبدالله عبدالله، تشقی ایشلر وزیرلیگی نینگ سرپرستی محمد حنیف اتمر، تینچلیک بوییچه جمهور رئیس نینگ مخصوص نماینده سی عبدالسلام رحیمی و دولت نینگ تینچلیک بوییچه وزیری سید سعادت منصور نادری هم افغانستان اسلامی جمهوریت دولتی نماینده لیگیده اشتراک قیلیشی ریجه لنتیریلگن.
جمهور رئیس غنی افغانستان اسلامی جمهوریت دولتی نینگ مذاکره قیلووچی هیاتیگه مملکتده دایمی تینچلیک و برقرارلیک تامینله نیشیگه ایریشیش اوچون موفقیت آرزو قیلدی.#