سناتور الحاج محمد رنگین مشکوانی شهادتیگه تیگیشلی مطبوعاتی اعلامیه

ارگ، کابل: طالبلر اوزی نینگ جنایتی دوامیده، بادغیس ولایتی خلقی نینگ مشرانو جرگه ده گی سابق نماینده سی سناتور الحاج محمد رنگین مشکوانینی بوگون مذکور ولایت آب کمری اولسواللیگی نینگ مبارک شاه منطقه سیده شهید ایتگنلر.
اونینگ شهید ایتیلیشی باره سیده گی خبرنی ایشیتب قتّیق تاثیرلنگن جمهور رئیس غنی نینگ ایتیشیچه، شهید مشکوانی مهربان، یورت سیور و خلق سیور بیر شخصیت ایدی او محلی قیینچلیک حل ایتیلیشی و مردمگه خذمت قیلیش اوچون هر دایم اولگورردی.
جمهور رئیس غنی، افغانستان نینگ دشمنلری مملکت بویوک شخصیتلرینی ترور قیلیش یانیده اهالی ایچیده قورقینچ تشلش بیلن خلقیمیزنینگ اولکه ده خذمت قیلیش و دایمی همده شرفلی بیر تینچلیککه ایریشیش اراده سینی کوچ سیز ایته آلمه یدیلر دیدی.
انه شو مناسبت بیلن جمهور رئیس غنی شهید سناتور الحاج محمد رنگین مشکوانی عایله سیگه اوز غمشریکلیگینی بیلدیره دی.