کرکتچیلرگه خطاب قیلگن جمهور رئیس: سیز افغانستان کېله جگی و فخری سیز

کرکتچیلرگه خطاب قیلگن جمهور رئیس: سیز افغانستان کېله جگی و فخری سیز

افغانستان اسلامی جمهوریتی نینگ جمهور رئیسی محمد اشرف غنی بوگون کېچقورون کرکت بورد رهبرلیک هیاتی، ملی کرکت تیمی نینگ اعضالری و شپگیزه کرکت یېتینچی دور لیگی نینگ اۉیینچیلری بیلن ارگ نینگ سلام خانه قصریده اوچره شدی.

جمهور رئیس نینگ بیرینچی اۉرین باسری و دولت نینگ بیر قنچه بلند مرتبه لی رسمیلری اشتراک قیلگن بو ییغیلیشده، بیرینچیدن کرکت بورد عمومی باشلیغی فرهان یوسفزی گپلشدی. او، جمهور رئیس گه تشکرلیک بیلدیریش بیلن بختگه موافق بوگون کرکتچیلر ملی و خلق ارا بیلشوولرده قتنه شیب اولکه گه فخر و شرف آلیب کېله دیلر دېدی.

کرکتچیلرگه سپورت قانونی و دسپلینیگه اعتبار بېرینگلر دېگن یوسفزی، بیزلرنینگ کېملیگیمیزنینگ فخری بۉلمیش مملکت نینگ اوچ رنگلی بیراغینی سیز قهرمانلر جمهوریت نماینده لیگده کۉتره سیزلر دېدی.

سۉنگ، جمهور رئیس نینگ بیرینچی اۉرین باسری امرالله صالح گپیریب، کرکتچیلرنی خوش کېلیب سیز دېب، سیزلرنینگ افغانستانگه کېلتیرگن افتخارینگیز بیلن، فخرلنه من  دېدی.

اونینگ سۉزلریگه کۉره، افغانستان نینگ بیرلیگی و بیردملیگی اوچون کرکتچیلرنینگ رولی مهم دیر. سیزلر خلق گه خوشلیک و کولگی کېلتیرگن سیزلر و حکومت سیزلر بیلن فخرلنه دی. کرکت بوتون افغانستان بۉیلب کېنگه یتیریله دی دېب قۉشیمچه قیلدی صالح جنابلری.

کرکت بورد رهبرلیک هیاتی، ملی کرکت تیمی اعضالری و شپگیزه کرکت یېتینچی دور لیگی اۉیینچیلرینی خوش کېلیب سیزلر دېیه صحبتلرینی باشله گن غنی جنابلری، سیزلر افغانستان کېله گی و فخری سیز و خلقیمیزگه خوشلیک کېلتیره سیزلر دېب اَیتدی.

اونگه کۉره، حکومت رهبریتی خذمت تیمی دیر و افغانستان قهرمانلرینی ارگ نینگ سلام خانه قصریگه خوش کېلیب سیزلر دېیه فخرلنه من.

شپگزه کرکت یېتینچی دور لیگی نینگ هر بیر تیمینی تیلگه آلگن جمهور رئیس غنی، تیملرینگیزگه چیرایلی آتلر قۉیگن سیزلر، قهرمانلرنینگ قانی سیزلرنینگ تامیرینگیزده جریانی بار و بو اولکه نی هر دایم قهرمانلر سقلب کېلگن. 

سیزلر بوگون خلق ارا میدانلرده رقابت قیله سیزلر دېگن غنی جنابلری، رقابت نینگ اصولیگه یخشی توشینگن سیزلر کوچلی بازولرینگیز و آچیق سیمانگیز بیزلرگه امید بغیشله دی.

شونینگدېک، اوشبو اوچره شووده کرکت بورد عمومی باشلیغی فرهان یوسفزی و کرکت بورد اعضاسی هارون میر، ملی کرکت تیمی اعضالری نینگ امضاسی بیلن بېزه لگن بیرته بیت نی ساووغه اوله راق جمهور رئیس گه تقدیم قیلدیلر.