ننگرهار ولایتیده یوز بېرگن ترورچیلیک هجوم حقیده مطبوعاتی اعلامیه

ارگ، کابل: طالبلر و باشقه ترورچی گروه لر اۉزی نینگ جنایتی دوامیده بوگون ننگرهار ولایتی نینگ غنی خیل اولوسواللیگی بناسی یقینیده ترورچیلیک هجوم صادر قیلدیلر. نتیجه ده خاتینلر و باله لر قۉشیمچه بیر قنچه گناه سیز یورتداشلریمیز شهید و ایریملری یره لندی. 
افغانستان اسلامی جمهوریتی جمهور رئیسی تینچ اهالی اینیقسه باله لرنی اۉلدیریشنی ییریک بیر جنایت دېب، تینچ اهالی قاله ویرسه خاتینلر و باله لرنی اۉلدیریش اسلام قدریتلریگه ضد و بشری بیر جنایت دېدی.
جمهور رئیس غنی، طالبلر امریکا قۉشمه ایالتلری بیلن تینچلیک کېلیشووینی امضاله گن، بیراق اچینرلیسی شونده که تعهدلرینی عملی اېتمه ی فقط چېت اېللیک حربیلرنی نشانگه آلیشنی توختگنلر دېدی. طالبلر و باشقه ترورچی گروه لر اولر بیلن تیل بېرکیتیب، ترورچیلیک فعالیتلریگه دوام بېرگنلر و بوگون ننگرهارده یوز بېرگن ترورچیلیک هجوم هر کون تینچ اهالینی اۉلدیریب عام المنفعه تاسیساتلرنی ویران اېتیش نینگ یقال مثالی دیر.
مذکور تررورچیلیک حادثه شهیدلری نینگ خانه دانلریگه چوقور قیغوداشلیک بیلدیرگن مملکت جمهور رئیسی، شهیدلر عایله اعضالریگه یېتیشیش و یره لنگلر دواله نیشی اوچون تېگیشلی مسووللرگه بویروق تاپشیردی.#