جمهور رئیس غنی ایکّی کونلیک رسمی بیر سفر بیلن کویت و قطر اولکه لریگه باردی

ارگ، کابل: بوگون اېرته لب افغانستان اسلامی جمهوریتی جمهور رئیسی محمد اشرف غنی دولت نینگ یوقاری مرتبه لی هیاتی باشچیلیگیده کویت گه جونب کېتیدی. سفردن مقصد کویت سابق امیری رحمتلی شیح صباح الاحد الجابر الصباح نینگ روحیگه دعا قیلیش و او مملکت خلقی و حکومتی گه تعذیه بیلدیریش دیر.

جمهور رئیس غنی کویت سابق امیری روحیگه دعا قیلگندن کېیین، ایکّی کونلیک رسمی بیر سفر بیلن قطر پایتختی دوحه باریب قطر امیری شیخ تمیم حمد بن آل ثانی، باش وزیر شیخ خالد بن خلیفه بن عبدالعزیز آل ثانی و باشقه رسمیلر بیلن اوچره شیب ملاقات قیلیشی کوتیله دی. شونینگدېک ایکّی مملکت نینگ تورلی بۉلیملرده گی علاقه سی و همکارلیگینی یخشیلشتیریش باره سیده فکر المشتیریله دی.

جمهور رئیس غنی قطرگه بۉلگن سفری آقیمیده دوحه انستیتوتیده دیپلوماتلر، استادلر، بیلیمدانلر و محصللر حضوریده هم چیقیش قیلیب گپیره دی. 

افغانستان اسلامی جمهوریتی جمهور رئیسی محمد اشرف غنی نینگ اوشبو سفرده جمهورلیک ریاستی بیرینچی اۉرین باسری امرالله صالح، تشقی ایشلر وزیرلیگی سرپرستی محمد حنیف اتمر، ملی خوفسزلیک مصلحتچیسی داکتر حمدالله محب، جمهورلیک ریاستی عالی مقامی دفتری نینگ عمومی باشلیغی محمد شاکر کارگر، اداره امور عمومی ریاستی باشلیغی داکتر فضل محمود فضلی، عالی تحصیلات وزیرلیگی سرپرستی عباس بصیر، معارف وزیرلیگی سرپرستی رنگینه حمیدی، اقتصاد وزیرلیگی سرپرستی کریمه حامد فاریابی، اولوسی جرگه اعضاسی اجمل رحمانی، مشرانو جرگه نماینده سی عبدالطیف نهضت و افغانستان نینگ کویت و قطرده گی اېلچیلری یۉلداشلیک قیله دیلر.