اولوسی جرگه نینگ تینچلیک خصوصیده گی اعلامیه سیگه تیگیشلی مطبوعاتی اعلامیه

ارگ، کابل: افغانستان اسلامی جمهوریتی اولوسی جرگه نینگ تینچلیک مذاکره نی کېسکین قۉللگنی، جمهوریت تیزیمی، اۉتگن ۱۹ ییل ایچیده گی یوتوقلر، زوروانلیک کمه یشی، مملکت خوفسیزلیک و دفاعی کوچلرینی حمایت قیلیشگه قره تیلگن ارزشلی اعلامیه سیدن منتدارچیکلیک بیلدیردی.

اولوسی جرگه نینگ قدرلی نماینده لری مذکور اعلامیه نی نشر قیلیش بیلن، مملکت نینگ حقیقی نماینده لری اوله راق ملی منفعت و ملت نینگ ایستکلریگه صادق ایکن لیکلرینی بیلدیردیلر. جمهور رئیس غنی، اولوسی جرگه نینگ مذکور ملی و اصولی موقفینی قدرله یدی.

اولوسی جرگه نینگ ترقتگن اعلامیه سیده مملکت ملی منفعتی و ملت ایسته گی، خلق ارا همجمعیت دولتلرنینگ تیزیمنی قۉللشی، تینچلیک مذاکره افغانستان اسلامی جموریتی نینگ مذاکره قیلووچی هیاتی آرقه لی موفقیتگه اېریشیشی، طالبلر تامانیدن آتیش – کېسین تَن آلینیشی و مملکت ده دایمی تینچلیک تامینله نیشیگه قره تیلگن اساسی پیاملری بار.

افغانستان اسلامی جمهوریت دولتی مسوول دولت، جوابگر و سیلنگن، ملت نینگ اساسی ایسته گی بۉلمیش مملکت ده دایمی برقرارلیک اۉرنه تیلیشی، تیزیم یوکسه لیشی، خوفسیزلیک و دفاعی کوچلرنی سقلش و ۱۹ ییللیک یوتوقلرنی کېسکین قۉللشگه صادق دیر و بولرنینگ برچه سی تحققی اوچون بوتون قابلیتدن ایش آلیشگه اولگوریب و بو یولده هیچ قنده ی بیر سعی و حرکتنی ایه مه یدی.#