اولسواللیکلر ینگی قوماندانلریگه خطاب قیلگن جمهور رئیس غنی: باریشینگیز بیلن انگیزه، مدیریت، صداقت و تحرک کیلیشی ممکن

اولسواللیکلر ینگی قوماندانلریگه خطاب قیلگن جمهور رئیس غنی: باریشینگیز بیلن انگیزه، مدیریت، صداقت و تحرک کیلیشی ممکن

بوگون کیچقورون افغانستان اسلامی جمهوریتی جمهور رئیسی محمد اشرف غنی، مملکت اولسواللیکلریگه ینگیدن تعیینلنگن 100 قومانداننی تانیشتیریش مراسمیده اشتراک قیلیب سوزلشدی. 
ارگ نینگ سلام خانه قصریده اوتکزیلگن بو ییغیلیشده جمهورلیک ریاستی نینگ بیرینچی اورین باسری، ملی خوفسیزلیک بوییچه مصلحتچی و خوفسیزلیک همده دفاعی اداره لرنینگ مسووللری قتنشگن ایدیلر. 
بیرینچیدن ملی خوفسیزلیک مصلحتچیسی داکتر حمدالله محب گپیریب، جمهور رئیس نینگ بویروغیگه کوره، اولسواللیکلر امنیه قوماندانلرینی اورگه نیش مقصدیده کمیته وظیفه لنتیریلگن دیب ایتدی.اونینگ سوزلریگه کوره، بیرینچی باسقیچده بریدمل و منصبدارلردن عبارت 100 حربی شفاف بیر پروسه ده تنله نیب رتبه لری انیقلنه دی. 
ینگی قوماندالرگه خطاب قیلگن ملی خوفسیزلیک مصلحتچیسی، سیزلر حق مبارزه نی ایلگری آلیب باره سیزلر، ایش و کوچلرینگیز تصویری، جمهوریت تصویری دیر دیب تیلگه آلدی. بیز و سیزلر افغانستان اسلامی جمهوریت تیزیمی آستیده اولکه و مردم گه خذمت قیله میز دیب قوشیمچه قیلدی محب جنابلری. 
سونگ، ملی خوفسیزلیک کینگشی نینگ امنیتی سکور رهبریتی رواجله نیش و تزکیه باشلیغی مذکور قوماندانلرنینگ تعیینله نیش تخنیکی کمیته سی باره سیده معلومات بیریب، جمهور رئیس نینگ کیسکین بویرغی اساسیده 258 ته اولسواللیکده امنیه قوماندانلرنینگ اوزگرتیریش ریجه سی باشلنگن و کمیته ایسه 45 کونلیک ایش و تیکشیروودن سونگ 600ته بریدمل و منصبدارلردن 100نی تیکشیریب 29 ولایتگه تعیینلشگن موفق بولدی دیب ایتدی. 
اولسواللیکلر اوچون ینگی دن تعیینلنگن قوماندانلردن بیری سید جلال سادات گپیریب، قوراللی کوچلر باش قوماندانی نینگ ایشانچی دن منتدارچیلیک بیلدیریش دن بولک، ایشلریمیز، اجرآت و هماهنگلیگیمیزنی مردمگه اوز تیلیمیزدن بیان قیله میز دیگن. 
کیین جمهورلیک ریاستی نینگ بیرینچی اورین باسری امرالله صالح گپیریب، بوگون حقیقتن فخرلنه دیگن بیر فرصت یره تیلگن دیدی. اونینگ سوزلریگه کوره، سوق، اداره و امکانات مهم عنصرلردن دیر و بولر ایسه سیزلرنینگ موفقیتینگیزگه سبب بوله دی و بو عنصرلرنی جدی نظرده توتیشینگیز لازم. 
صالح جنابلری، سیزلر ایشلرینگیزگه موازنتنی عنابتگه آلینگ و جمعیت نینگ هر بیر قتلمی بیلن یخشی صورتده یانده شینگ و ییر بوتونلیگینی یخشی اوره گنیب دشمننی آرتگه اوریش اوچون هماهنگ بولینگ دیب تیلگه آلدی. 
بولرنینگ صحبتلرینی بیرین – کیتین ایشیتگن جمهور رئیس غنی، اولسواللیکلرگه ینگیدن تعیینلگن قوماندانلرگه خطاب قیلیب، اولسواللیکلرگه باریب بیلن او ییرده انگیزه، باشقریش، صداقت و تحرک کیلیشی ممکن و بو ایسه افغانستان تاریخیده سابقه سی یوق دیدی.
جمهور رئیس نینگ سوزلریگه قره گنده، سیزلر جان و دل بیلن مملکتگه خذمت قیلیشینگیز اوچون تنلنگن سیزلر و قربانلیک بیرگن سیزلر.  ملت ایسه صداقت و فداکارلیک ایسته یدی و سیزلر ایسه بو یورت نینگ صادق فرزندلری سیز. 
شونینگدیک مملکت رهبری، هویتینگیز فق، فقط ملی هویت دیر و قوچاغینگیز خلق گه آچیق بولیشی کیره ک. وظیفه نی باشلش بیلن تیوره گینگیزگه ایجابی اوزگریش آلیب کیلینگ.جمهور رئیس نینگ اوغولب ایتیشیچه، اولسواللیکلرگه 100 ینگی امینه قوماندان باریش بیلن افغانستان نینگ بایلیگی ایشگه توشیریله دی و مملکت نی قیته قوریش زمینه سی بیر سانده یره تیله دی. 
شونینگدیک، غنی جنابلری اوزی نینگ یکونی صحبتیده، سیزلر قوراللی کوچلر باش قوماندانی نینگ بوتونله ی حمایتیگه ایگه بولگنینگیز اوچون مردملرینگیزگه ایپک و دشمنلر فولادین مشت بولگنینگیزنی اثباتلنگ دیدی.#