مخصوص قطعه گه خطاب قیلگن جمهور رئیس: سیزلرنینگ موجودلیگینگیزده افغانستان نینگ بۉیی بۉکیلمه یدی

مخصوص قطعه گه خطاب قیلگن جمهور رئیس: سیزلرنینگ موجودلیگینگیزده افغانستان نینگ بۉیی بۉکیلمه یدی

بوگون توشدن آلدین افغانستان اسلامی جمهوریتی جمهور رئیسی محمد اشرف غنی، ملی خوفسیزلیک مصلحتچیسی داکتر حمدالله محب، امنیتی و دفاعی اداره لرنینگ مسووللری همراهلیک قیلگن بیر پیتده مخصوص عملیاتلر قول اردو قوماندانلیگینی یقیندن باریب کۉردی.

بیرینچیدن مخصوص عملیاتلر قول اردو قوماندانلیگی نینگ اۉرین باسری تورن جنرال خیال نبی گپیریب، جمهور رئیس نینگ حمایتی بیزلرگه کوچلی روح بغیشلب قانونی تیزیم، جمهوریت و اولکه گه نستباً ملی احساسیمیزنی کوچه یتیره دی دېدی.

او، آنت ایچگن دشمنلریمیزگه کېسکین جواب قیتیریش یۉلیده ملی کوچلریمیز اۉزی نینگ فداکارلیک و شجاعتینی بار – بار اثباتله گن دېب قۉشیمچه قیلدی. افغانستان نینگ کماندو همده باشقه کوچلری تیریک بۉلگن حالده، مملکت نینگ اوچ رنگلی بیراغی هر دایم هیلپیره ب توره دی دېدی او.

مخصوص قطعه کوچلریگه خطاب قیلگن جمهور رئیس غنی، سیزلر افغانستان نینگ هر بیر چکه حدودیدن کېلگنگیز بیلن خاص سیزلر و مملکت نینگ قریچ – قریچ یېریدن دفاع اېته سیزلر. افغانستان سیزلرنینگ اوستینگیزگه فخرلنگن حالده افغانستان اېللری بوتون کوچ و قوتی بیلن کماندولر و مخصوص قطعه لر یانیده تورگنلر.

خاص عملیاتلر کوچلریگه منتدارچیلیک بیلدیرگن غنی جنابلری، مېن سیزلرنینگ عایله لرینگیزگه بونده ی فرزندلرنی تربیه اېتیب مملکتنی سقلش یۉلیده قربانلیک بېرگنی اوچون تشکرلیک قیله من دېدی.

جمهور رئیس غنی، منگو قاله دېگن فخرلردن بیری، بوندن نیچه ییل آلدین مخصوص قطعه و کماندولر ایکّی برابرگه آشیریلیب اونی قول اردوگه کۉترش  حقیده قرار قبول قیلیش دیر. بو اېسه مېنینگ برچه عسکرلرگه چقور حرمتیمنی کۉرسته دی، سیزلر هر دایم خاص و دایم مېنینگ اعتبار مرکزیمده بۉله سیزلر دېگن.

اونینگ کۉپه یتیریشیچه، مخصوص قطعه بۉلیش اوچون سیزلر ستون فقرات اېکن لیکلرینگیزنی اثباتله دینگیزلر، افغانستان نینگ بۉیی هیچ بیر زمان بوکیلمه یدی، افغانستان نینگ دشمنلری سیزلرنینگ مقابلینگیزده قاچیشدن باشقه چاره سیز یۉق.

برچه شهیدلرنینگ روحیگه دعا قیلگن جمهور رئیس غنی، هیچ بیر وقت هیچ قنده ی بیر مذاکره ده افغانستان خوفسیزلیک و دفاعی کوچلری اوستیگه معالمه بۉلمسلیگی باره سیده سیزلرگه ینه بیر بار ایشانچ بېره من دېدی. مخصوص قطعه لر منصبدارلریگه خطاب قیلگن مملکت رهبری، کوچلی روحیه بیلن ایشلرینگیزنی بجرینگ و سیزلرنینگ اوستینگیزگه دېیرلی سرمایه یاتقیریلهېدی دېب قۉشیمچه قیلدی.

مخصوص قطعه کوچلری افغانستان اسلامی جمهوریت تیزیمی نینگ ساقچیلری دېگن جمهور رئیس نینگ سۉزلریگه کۉره، سیزلرنینگ همتینگیز هندوکش تاغی کبی کوچلی دیر. افغانستان ملتی سیزلرگه تۉلیق ایشانه دی و بو پیام نینگ افغانستان  نینگ برچه امنیتی و دفاعی کوچلریگه یېتکزه میز.

جمهور رئیس غنی اۉزی نینگ یکونی سۉزلریده برچه ملت سیزلرگه بوتکول ایشانه دی و بیز و سیزلرنینگ داعیه میز اسلامی دیر و بوگون طالبلر اوروش نینگ هیچ قنده ی مشروعتی یۉق سیزلر جمهوریت تیزیمی نینگ ناموس، شرف و اولکه سینی دفاع اېته سیزلر.#