ولایتلرساغلیقنی سقلش باشقرمه لری باشلیغیگه خطاب قیلگن جمهور رئیس: سیزلر بیزنینگ ملی سرمایه میز سیز

ولایتلرساغلیقنی سقلش باشقرمه لری باشلیغیگه خطاب قیلگن جمهور رئیس: سیزلر بیزنینگ ملی سرمایه میز سیز

بوگون توشدن آلدین افغانستان اسلامی جمهوریتی جمهور رئیسی محمد اشرف غنی، ارگ نینگ چهار چنار قصریده ساغلیقنی سقلش وزیرلیگی نینگ ولایتلر شفاخانه لری باشلیقلری بیلن اوچره شدی.

اوچره شوو باشله نیشیده، ساغلیقنی سقلش وزیرلیگی سرپرستی احمد جواد عثمانی، جمهور رئیس نینگ فکری نطقه نظریدن اوشبو وزیرلیکنی اصلاح قیلیش تۉغریسیده گی دستور، اونی اولوسی جرگه نینگ ساغلیق بۉییچه کمیسیونی و ولایتلر شفاخانه لری باشلیقلری بیلن شریک قیلیش و وزیرلیک نینگ باشقه چاره تدبیری حقیده گی برنامه سی باره سیده جمهور رئیس گه معلومات بېردی.

اونگه کۉره، ساغلیق خذمتلرنی یخشیلشتیریش ماستر پلانی تیارله نیب عملگه آشیریلماقده. اصلاحات اساسیده و ساغلیق بۉییچه سکتورده ثمره لی دستور قۉلگه آلینگن، جینوا کنفرانسیده بو سکتور ینه خلق ارا دولتلرنینگ بېش ییللیک حمایتینی آلیشی ممکن.

سۉنگ هرات و میدان وردک ولایتلری ساغلیقنی سقلش باشقرمه لری نینگ باشلیغی عبدالحکیم تمنا و محمد سالم اصغر گپیریب، کرونا گه قرشی ثمره لی کۉره شیش و بو تۉغریده بودجه اجره تیش اوچون جمهور رئیس نینگ اعتبار قره تگنیدن منتدارچیلیک قیلیب، ضعیف سیستم و آز امکانیت بیلن دنیا نینگ باشقه دولتلریگه قره گنده کرونا نینگ بیرینچی تۉلقینی نینگ یخشی باشقریشگه موفق بۉلدیک دېدیلر. اولر، کرونا نینگ ایکّینچی تۉلقینی و ساغلیق بۉییچه باشقه بۉلیملرده قتیق کۉره شیشنی تیلگه آلدیلر.

تورلی خیل هیاتلرنینگ تېکشیروو اۉتکزیشی و ولایتلر ساغلیقنی سقلش باشقرمه لری نینگ ملازملری و مسووللری نینگ روحیه سیگه زیان یېتکزگننی تیلگه آلگن مسووللر، هر قنده ی بیر تېکشیروو شفافیت تامیلنه نیشنی اۉرگه نیش مقصدیده مسلکی و تخنیکی هیاتلر ولایتلرگه یوباریلیشینی پیشنهاد قیلدیلر.

بولرنینگ پیشنهادلری همده معلوماتلرینی اېشیتگن جمهور رئیس غنی اسلام دنیاسی پیامبری توغیلگن کونینی تبریکلب، کرونا ویروس نینگ بیرینچی تۉلقینیده بولرنینگ آلیب بارگن سعی وحرکتیدن منتدارچیلیک قیلیب و کرونا نینگ ایکّینچی تۉلقینی گه قرشی هر قنده ی تیارگرلیکلری بۉلیشی اوچون بویورق بېردی.

 جمهور رئیس غنی، عادی و شاشیلینچ حالتلرنی تېکشیریش مقصدیده معین بیر نتیجه گه اېریشیش اوچون بویروقلر و امرلرنی تعقیب اېتیش باشلیغی ولی خان شبگیرگه افغانستان طبی کېنگش مسووللری، باشقره لاوچیلیک اداره سی، عالی تفتیش اداره سی و افغانستان بازرس اداره سی بیلن بیرگه لیکده ییغیلیش ترتیب بېریشگه بویورق بېردی.

ولایتلر ساغلیقنی سقلش باشقرمه لری نینگ باشلیقلریگه خطاب قیلگن جمهور رئیس غنی، سیزلر ملی سیرمایه سیزلر، سیزلرگه جفا مملکت حقیگه جفا دیر دېدی. اصولی نظارت اساسی بیر حق دیر، لېکن سیزلر هر بیر درخت کبی هر قنده ی بیر شمالگه قیمیرله منگلر ایجابی ایشلرینگیزنی مدافعه قیلیب و منفی ایشلرینگیزنی اصلاح قیلیشگه اولگورینگ.

جمهور رئیس غنی شهید محمد داوودخان شفاخانه سی یانیده خصوصی سکتور هم شفاخانه قوریش اوچون سرمایه یاتقیزیه دی امید که بو لایحه اوزاق ده جایلشگن ولایتلرده کېنگه یتیریلسین. صحت سکتوری، تېگیشلی اداره لر و ساغلیق باشقرووی اصلاح بۉلیشی کېره ک. ساغلیقنی سقلش وزیرلیگی داکترلر انحصاریدن چیقاریلسین. پولیو باشقریلیشی، امکانات و صلاحیت معیین تعریف بۉلسین، چونکه حاضرگی وضعیت قبول قیلینه دیگن بیر حالتده اېمس.

افغانستانده ینگی دارو ایشلب چیقاریش امکانیتلری اوستیده توخته لیب گپیرگن جمهور رئیس غنی، دارو ایشلب چیقاریش نینگ تورلری باره سیده، ینگی فکر و سرمایه یاتقیزیلیشی ضرور دېگن. ساغلیق بۉییچه صلاحیت و دستورلر و اولرنینگ شفاخانه لر بیلن علاقه سی و منبع معیین تعریف بۉلیشی کېره ک و ساغلیقنی سقلش وزیرلیگی ریاستلری نینگ بودجه قیینچیلیگی اساسی طرزده حل قیلینیسین.#