جمهور رئیس غنی ویدیو کنفرانس آرقه لی خوست ولایتی نینگ قوم بویوکلری نماینده لری بیلن گپلشدی

جمهور رئیس غنی ویدیو کنفرانس آرقه لی خوست ولایتی نینگ قوم بویوکلری نماینده لری بیلن گپلشدی

بوگون کیچقرون افغانستان اسلامی جمهوریتی جمهور رئیسی محمد اشرف غنی ویدیو کنفرانس آرقه لی خوست ولایتی نینگ قوم بویوکلری نماینده لری بیلن گپله شیب اولرنینگ پیشنهادلرینی اېشیتدی.

دستلب خوست ولایتی کېنگشی نماینده لیگیده نورشاه نورانی و خوست ولایتی قوم بویوکلری نماینده لیگیده حاجی عبدالرحمن ځدران گپیریب، بو ولایت نینگ اهالیسی جمهوریت، تیزیم، خوفسیزلیک و دفاعی کوچلر و تینچلیک مذاکره لرده جمهور رئیسمی قۉللیدیلر دېدیلر.

بولر خوست ولایتی ملکی اداره لرگه اعتبار قره تیلیشیدن بۉلک ملکی و حربی مسووللر اۉرته سیده کۉپراق هماهنگلیک، قول اردو بیرینچی لوا قوماندانی تعیینله نیشی و غلام خان بندری تاسیساتی کبی موضوعلرنی جمهور رئیس بیلن شریک قیلدیلر.

ویدیو کنفرانس آرقه لی گپیرگن جمهور رئیس غنی، اولرنینگ پیشنهاد و طلبلرینی اېشیتگندن کېیین، نبی کریم میلادینی تبریکلشدن علاوه، خوست ولایتیده یوز بېرگن سۉنگگی هجوملرده زیان کۉرگنلرگه تسلیت ایتیب بو ولایتگه حکمت کۉپراق اعتبار قره تیشیدن ایشانچ بېردی.

جمهور رئیس نینگ سۉزلریگه کۉره، بیرینچی لوا قوماندانی تعیینله نیشیدن بۉلک، کېلگوسی ییل بودجه سیگه غلام خان بندریگه اساسی اعتبار قره تیله دی یېر قیینچیلیگی خوست اهالیسی یاردم بیلن حل قیلینه دی.

محلی ارگانلر مستقل اداره سیگه بویورق بېرگن جمهور رئیس غنی، خوست ولایتی نینگ اوزاقده جایلشگن اولوسواللیکلری اداره لریگه ایجابی اۉزگریش کېلتیریشگه توجه قیلیش بیلن بیرگه خوست ولایتی اۉرین باسری مذکور ولایت قوم بویوکلری مصلحتی بیلن تعیینلنسیندېدی.#