یما سیاوش شهادتیگه تېگیشلی مطبوعاتی اعلامیه

ارگ، کابل: ترورچیلر اۉزی نینگ جنایتی دوامیده بو مرته د افغانستان بانک ایشلاووچیلری موتریگه یاپیشقاق ماین اۉرنه تیشی نتیجه سیده پارتلش یوز بېردی. بوگون اېرته لب کابل شهریده یوز بېرگن مذکور حادثه ده د افغانستان بانک عمومی باشلیغی دستیاری همده سابق تنیقلی ژورنالیست یما سیاوش، د افغانستان بانک ریاست دفتری نینگ اۉرین باسری احمدالله انس و اولرنینگ موتر هیداووچیسی محمد امین شهید اېتیلدی.

مذکور ترورچیلیک حادثه نی قتّیق قاره لگن جمهور رئیس غنی، واقعه نینگ عامللری تانیلیب جزاله نیشی اوچون تېگیشلی اداره لرگه جدی بویروق تاپشیردی.

افغانستان اسلامی جمهوریتی جمهور رئیسی محمد اشرف غنی یما سیاوش قۉشیمچه مذکور حادثه ده شهید بۉلگنلرنینگ عایله اعضالریگه اۉز قیغوداشلیگینی بیلدیریش بیلن بیرگه الله تعالیدن یره لنگنلر تېزلیکده ساغه لیشنی طلب قیلدی.