قندهار، پکتیا و غزنی ولایتیده یوز بیرگن ترورچیلیک هجوملر حقیده مطبوعاتی اعلامیه

ارگ، کابل: تاسف بیلن طالبلر پارتلاوچی ماده گه توتلدیریلگن موترلرنی قندهار ولایتی نینگ میوند اولوسواللیگی و پکتیا ولایتی مرکزی گردیز شهریده پارتله تیشی قوشیمچه غزنی ولایتیگه آتیلگن هاوان مرمیلری  توشیب پارتله شی نتیجه سیده بیر قنچه وطنداشلریمیز شهید و بعضیلری یره لنتیردی. 

طالبلر تامانیدن نامشروع اوروش کوپه یتیریلیشی، تینچ اهالی و عامه خلق فایده لنه دیگن تاسیساتلرده هجوم اویوشتیریشی دینی ارشادلر، تینچلیک روحیه سیگه ضد بولیشی بیلن بیرگه انسانیتگه قرشی جنایت دیگن جمهور رئیس غنی، بو وضعیت افغانلرنی اولدریش و اوروش دوام ایتیشی اوچون شرایط یره ته دی دیدی.

جاری اوروش یکونله نیشی اوچون بیرینچی یول مذاکره لر دیگن افغانستان اسلامی جمهوریت دولتی، ینه بیر یوله طالبلرنی اوروش، زوروانلیک و جنایتنی دوام بیریش اورینیده، حکومت همده دنیا جماعه چیلیگی نینگ ایسته گی بولمیش دایمی آتیش کیسیننی قبول قیلیشگه اونده دی.

مذکور ترورچیلیک حادثه لرنی قتّیق قاره له گن افغانستان اسلامی جمهورلیگی رئیسی، شهیدلر عایله اعضالریگه قیغوداشلیک بیلدیرگن حالده، یره لنگنلرده الله تعالی دن تیزلیکده ساغله لیشلرینی طلب ایته‌دی.#