جمهور رئیس غنی: بیزنینگ اینگ مهم ضرورتیمیز اوستوارلیگیمیز تینچلیک دیر و بیز تینچلیک جریانیگه ینگی کوچ بیریشیمیز کېره ک

جمهور رئیس غنی: بیزنینگ اینگ مهم ضرورتیمیز اوستوارلیگیمیز تینچلیک دیر و بیز تینچلیک جریانیگه ینگی کوچ بیریشیمیز کېره ک

بوگون کیچقورون افغانستان اسلامی جمهوریتی جمهور رئیسی محمد اشرف غنی، افغانستان تینچلیک پروسه سیگه بغیشله نیب ویدیو کنفرانس آرقه لی بیرلشگن ملتلر تشکیلاتی کینگشی نینگ ییغیلیشیده قتنه شیب گپلشدی. 

بو ییغیلیش ده، بیرینچیدن مملکت تشقی ایشلر وزیرلیگی نینگ سرپرستی محمد حنیف اتمر گپیریب، ییغین دستلب مذکور فورمول چوکاتیده خاتینلر و تینچلیک پروسه باره سیده ایدی وحاضر ایسه تینچلیک پروسه سی اوستیده فکر و ملاحظه بیلدیریلیب بحث آلیب باریله دی دیدی.

بیرلشگن ملتلر تشکیلاتی کینگشی نینگ ینگی اعضالریگه موفقیت آرزو قیلگن اتمر جنابلری، افغانستان سیزنینگ حمایت اوستیده حسابله یدی و سیزلر هم بیزنینگ اوستیمیزگه حسابله آله سیز دیدی. 

شونینگدیک، اتمر جنابلری بیرلشگن ملتلر تشکیلاتی نینگ یونما ماموریتی اوزه یتیریلیشی و بو تشکیلات نینگ افغانستاندن حمایت بیلدیرگنیدن منتدارچیلیک قیلدی.

جمهور رئیس غنی اوزی نینگ باشله نیش صحبتلریده بو ییغین اوتکزیلیشیدن منتدارچیلیک بیلدیریشدن علاوه، بوگونکه ییغین افغانستان تینچلیگی باره سیده دیر، بو بیرلشگن ملتلر تشکلاتی کینگشی افغانستان تینچلیک و برقرارلیککه ایریشیشی اوچون کوچلی تعهدینی کورسته دی دیب ایتدی. 

اونینگ کوپه یتیریشیچه، بیزلر مطلوب مقصدیمیزگه ایریشیش اوچون سیاسی بیر ییچیمگه کیلیشیشیمیزنی دنیا همجمعیت دولتلری هم توشینگنلر.

 افغانستان تینچلیک برابریده بیرلشگن ملتلر تشکیلاتی کینگشی قطعنامه سینی مهم دیگن جمهور رئیس غنی، مذکور تشکیلات مستقل، سیاسی حاکمتی و ییر بوتونلیگیسقلنگن بیر افغانستان دن دایمی تعهدینی بیلدیریبافغانستان حقوقی سیاسی پروسه لریده اوزلریتامانیدن ضمانت ایتیلیشینی اورغولب کیلگنلر دیدی.

جمهور رئیس غنی، اوروش گه پایان بیریش، ینگیدن قوشیلیش، تینچلیک و مستحکمله نیش، انسان حقوقلریگه حرمت و برچه سیدن مهم افغانستان ینه بیر بار ترورچی گروه لر مرکزیلگه ایلنمس لیگی اوچون سیزلر افغانستان خلقینی قوللش گه متعهد سیزلر و بو ایسه جوده مهم دیب ایتدی. 

ترورچی گروه لرگه قرشی کوره شیش مقصدیده افغانستان اوروش نینگ بیرینچی خطیده تورگنیگه اشاره قیلگن غنی جنابلری، بیزلر ترورچیلرنی شکست بیریش اوچون بیرگه لیک ده کوره شه میز و بیر- بیراویمیزنی قوللب – قووتله گن حالده، تینچلیککه ایریشه میز دیدی.

 تینچلیک ملی بیر بحثلشووگه ایله نیشی یولیده افغانستان دولتی نینگ آلیب بارگن سعی و حرکتلری، تینچلیک مصلحتی لویه جرگه اوتکزیلیشی و لویه جرگه قراری اساسیده ۴۰۰ طالبنی قوییب یوباریلیش کبی موردلرگه اشاره قیلگن جمهور رئیس غنیگه کوره، تینچلیک پروسه سی بیرلشگن ملتلر تشکیلاتی کینگشی آرقه لی دایمی حمایت بولیشی بیزنی سیاسی بیر ییچیمگه ایریشیش اوچون قادر ایته دی دیب تیلگه آلدی.

جمهور رئیس غنی بوگونگی کونده‌ خلق‌ارا همجعیت افغانستان سیاسي یېچیمگه اېریشیشی کېره‌کلیگی و مملکت اۉزی، منطقه‌ و دنیا بیلن تینچلیک شرایطیده، بیردم و دېموکرا‌تیک بۉلیشی کېره‌کلیگی و سۉنگگی ییگیرمه‌ ییل ایچیده اېریشگن یوتوقلری تۉغریسیده خلاصه‌گه کېلگنینی تیلگه آلدی. 

مملکت رهبری نینگ تأکیدلشیچه، سیز نینگ قرارلرینگیز نینگ دوامی نه‌ فقط بیز نینگ حقوقلریمیز، قدریتلریمیز و مقصدلریمیزنی تصدیقله‌یدی، بلکه‌ فقط افغانستان اسلامی جمهوریتی قانوني حکومت اېکنلیگی و امارت اسلامی بیرلشگن ملتلر تشکیلاتی تامانیدن تن آلینمه‌ گنلیگی اوچون اساس یره ‌ته‌دی.  

 “بیز بی می تی خوفسیزلیک کېنگشینی افغانستان خوفسیزلیک و مدافعه‌ کوچلرینی قۉللب-قوّتلشنی دوام اېتتیریشگه چقیره‌میز”، دېدی پرزیدنت. اونینگ قۉشیمچه‌ قیلیشیچه، “بیز نینگ اېنگ مهم‌ ضرورتیمیز واوستوارلیگیمیز تینچلیک دیر و بیز تینچلیک جریانیگه ینگی کوچ بېریشیمیز کېره‌ک”.

افغانستانده‌گی تورلی ساحه‌لرده اېریشیلگن یوتوقلرنی اېسگه آلیب، جمهور غنی عملیاتلر نینگ ۹۸ فایزینی بیز نینگ خوفسیزلیک و مدافعه‌ کوچلریمیز مستقل روشده عملگه آشیره‌یاتگنینی و پارلمانده‌گی ۲۸ فایز اۉرنی افغان عیاللریگه تېگیشلی اېکنلیگینی ایتدی. اقش پارلمانیده‌گی عیاللر نینگ یوقاری فایزینی، صناعت ایشلری نینگ ۵۳ فایزینی عیاللر بجره‌دی، مکتب اۉقووچیلری نینگ ۳۷ فایزینی عیاللر تشکیل قیله‌دی، سۉنگگی ییگیرمه‌ ییل ایچیده عیاللر سوادخانلیگی و اولر نینگ اداره لرده ایکّی برابر کۉپه‌یدی اولر وزیرلر و اۉرین‌باسرلر صفتیده ایشله‌یدی و اولر نینگ صفلریده سانی کون سیین آرتیب بارماقده.  

غنی جنابلری، بیز نینگ اوستوار وظیفه ‌میز تینچلیک اېکنلیگینی تأکیدلب، بیرلشگن ملتلر تشکیلاتی خوفسیزلیک کېنگشینی ینه‌ بیر بار کرونا ویروسی نینگ ایکّینچی تۉلقینیگه قرشی ثمره‌لی کوره‌شیشگه یخشی تیارگرلیک کۉریش اوچون افغانستانده زوروانلیکنی توخته ‌تیشگه چقیردی.

غنی، طالبلر بیلن مذاکره ‌لرده موفقیتگه اېریشیش واسطه‌سی صفتیده سنکتسيه‌لرنی عملگه آشیریش مهم‌لیگینی و جاري صلح میکانیزمیده‌گی هر قنده‌ی اۉزگریش تینچلیک جریانیده‌گی سېزیلرلی یوتوقلرگه اساسلنگنده‌‌ گینه ثمره‌لی بۉلیشی ممکن لیگینی تأکیدله‌دی.

یقینده بۉلیب اۉته‌ دیگن افغانستان بۉییچه‌ جینوا کنفرانسیگه و اونینگ مملکت ترقیاتی و اۉزیگه ایشانیش کېله‌جگیگه تأثیریگه اشاره‌ قیلیب، جمهور رئیس محمد اشرف غنی یقینده قیلگن نطقیده حکومت جوابگرلیکنی تېزلشتیرماقده و خلق‌ ارا همجعیت بیلن علاقه ‌لرینی مستحکمله‌ماقده.عمومی اوستوارلیکلر نینگ اساسلری، شو جمله‌دن انسان حقوقلرینی مستحکملش دوام اېتماقده.