کابینه نینگ 10 اعضاسی اولوسی جرگه تامانیدن ایشانچ رایی آلیشیگه تیگیشلی مطبوعاتی اعلامیه

ارگ، کابل: افغانستان اسلامی جمهوریتی جمهور رئیسی محمد اشرف غنی، سونگگی وقتلرده ایشانچ رایی آلیش مقصدیده ملی کینگشگه ایش تَنیشتیریلگن کابینه نینگ 10 اعضاسیگه اولوسی جرگه اعضالری ایشانچ رایی بیرگنلری اوچون منتدارچیلیک بیلدیردی. بوگون اولوسی جرگه نینگ اعضالری دولت تامانیدن پیشنهاد قیلینگن تشقی ایشلر وزیری محمد حنیف اتمر، مالیه وزیری عبدالهادی ارغندیوال، ملی مدافعه وزیری اسدالله خالد، ایچکی ایشلر وزیری محمد مسعود اندرابی، عدلیه وزیری فضل احمد معنوی، مخابرات و تکنالوژی معلومات وزیری معصومه خاوری، عالی اوقوو وزیری عباس بصیر، ایش و اجتماعی ایشلر بوییچه وزیر بشیر احمد ته ینچ، ارشاد حج و اوقاف وزیری مولوی محمد قاسم حلیمی و صنعت و تجارت وزیری نثار احمد غوریانیلرگه ایشانچ رایی بیردی.
جمهور رئیس غنی اولوسی جرگه اعضالری نینگ اساسی قانون همده مملکت نینگ کوچگه کیریتیلگن باشقه قانونلریگه موافق حکومت نینگ پیشنهاد قیلگن 10 نامزد وزیریگه ایشانچ رایی بیرگنلری اوچون تشکرلیک بیلدیردی.
جمهور رئیس غنی، کابینه نینگ ینگی اعضالریگه اولکه و مردمگه خذمت قیلیشلری یولیده اولکن موفقیت آرزو قیلدی.