اقتصاد عالی کینگشی نینگ اختصاصی ییغینی کانچیلیک پروژه لری اوستیده بحث قیلدی

اقتصاد عالی کینگشی نینگ اختصاصی ییغینی کانچیلیک پروژه لری اوستیده بحث قیلدی

بوگون توشدن سونگ ارگ ده افغانستان اسلامی جمهوریتی جمهور رئیسی محمد اشرف غنی باشچیلیگیده اقتصاد عالی کینگشی نینگ اختصاصی ییغینی کانچیلیک پروژه لر اوستیده بحث قیلدی.
بیرینچیدن جمهور رئیس غنی سونگگی کونلرده اولوسی جرگه اعضالری تامانیدن ایشانچ رای آلگن وزیرلرنی تبریلکه دی.
آجندا اساسیده، دستلب کانلر و پترولیمی وزیرلیگی وزیری محمد هارون چخانسوری، کیچیک و کته ینگی کانچیلیک ساحه لر باره سیده هر تامانلمه معلومات بیریب، کیچیک مقیاسده گی کانچیلیکلر پروژه سی، (تاش مرمر) تورتته کیچیک مقیاس کانچیلیک جوازی، ننگرهار ولایتیده قازیب چیقاریلگن تالک کزارشی، تخار ولایتیده قازیب چیقاریلگن توز و بامیان ولایتیده تاش کومر باره سیده ییغیلیشگه معلومات بیردی. 
اونینگ ایتیشیچه، افغانستان دولتی 1396- ییل قوس آییده مذکور سکتور کینگه یتیریلیشی مقصدیه کانلر سکتوری یول خریطه سینی منظور قیلگن واقتصاد عالی کینگشی تامانیدن بیلدیریلگن ساحه لر کیچیک و کتّه مقیاسده گی کانچلیکی ساحه لر صفتیده پیشنهاد بولیشنی سوره دی. 
کانلر و پترولیم وزیری نینگ سوزلریگه کوره، چمه سی (6/1) میلیارد افغانی 5 بیش ییل اوچون سرمایه یاتقیزیلگن بو بیلن تورت مینگ کیشیگه ایش جایی یره تیله دی.  رویالتی و ییر سطحی کرایه سیدن بیر ییلده 400 میلیون افغانی ییغیله دی. 
شونینگدیک، ننگرهار ولایتیده قازیب چیقاریلگن تالک و تخار ولایتیده قازیب چیقاریلگن توز درآمدی ییغیله دی و ینگی کانچیلیک پروژه سی عملگه آشیریلیشی بیلن چمه سی (31) نا قانونی کانچیلیک قانونی یعنی جوازگه ایگه کانچیلیککه ایلندیریله دی. 
مذکور صحبتلرنی ایشتیگن جمهور رئیس غنی گه کوره، افغانستان دولتی نینگ مقصدی مملکت اقتصادینی حرکتگه کیلتیریش دیر و بیزلر افتصادی انسجام تحرکتی اوچون برچه منبعلریمیزنی ایشگه تشله یمیز. مملکت کانلری قاچاقی نینگ آلدینی آلیش دولت نینگ بیرینچی وظیفه لریدن حسابلنه دی دیدی مملکت رهبری. 
اقتصاد عالی کینگشی ینگی کیچیک مقیاس کانچلیک و جواز صادر قیلیش اوچون تیار بولگن کیچیک مقاس کانچیلیک پروژه سینی تصدیقله دی. 
شونینگدیک اقتصاد عالی کینگشی (مرمر تاش) کیچیک مقیاس کانچیلیکی جوازی اوزه یتیریلیشی تصدیقلب کانلر و پترولیم وزیرلیگینی جمهورلیک ریاستی نینگ بیرینچی اورین باسرلیگی و تیگیشلی اداره لر همکارلیگی بیلن ننگرهار تالک موضوعی باره سیده دایمی جلسه اوتکزیب اونینگ گزارشینی انیق پیشنهاد بیلن اقتصاد عالی کینگشی کیلگوسی ییغینیگه تاپشیریشی اوچون وظیفه دار ایتدی. 
عین حالده، ییغیلیش ده جمهورلیک ریاستی نینگ بیرینچی اورین باسرلیگی مملکت کانلری امنیتی تامینله نیشیده خوفسیزلیک میثاق دن فایده له نیب بو توغریده معیین طرح جمهورلیک ریاستی عالی مقامی بیلن شریک قیلینیشی بیلدیریلدی. 
ییغین، کانلر و پترولیم وزیرلیگنی بامیان تاش کومیر ساحه سی اورگه نیلیشی اوچون هیات یوباریشی اوچون وظیفه لنتیردی. شونینگدیک بو وزیرلیک وقتینچه لیک تاش کومیر ساتیش صلاحیتیگه هم ایگه دیر. عین حالده، اوزاق مدتلی شرطنامه خلق ارا معیارلر همده مملکت نینگ کوچ گه کیریتیلگن قانونیگه موافق امضالنسین دیدی ییغیلیش. 
خودی شونده ی اقتصاد عالی کینگشی مالیه وزیرلیگینی نمک آب اولوسواللیگیده توز کانی ایچیدن اوته دیگن سوو جریانینی اوزگرتیش بولیمیده بودجه اجره تیب بو خصوصیده همکارلیک قیلیشیگه اونده دی. 
شونینگدیک جمهورلیک ریاستی نینگ سرمایه یاتقیزیشنی آسان ایتیش بوییچه اداره  ییریک کانلرده سرمایه یاتقیزیش اوچون مخصوص بیر ایش گروهی تشکیل ایتیب، اونینگ گزارشینی جمهورلیک ریاستی عالی مقامیگه تاپشیریشی اوچون وظیفه بیریلدی. ییغیلیش سونگگیده، کانلر و پترولیم وزیرلیگی، سرمایه یاتقیزیشنی آسان ایتیش بوییچه اداره، جمهورلیک ریاستی استراتیژیک و پالیسی اداره سی و افغانستان فدراسیون اتاقلری کیچیک مقیاس ده کانلرده سرمایه یاتقیزیش و صدرات اوچون استندرد فورم و ترتیب بیریشی اوچون وظیفه لنتیریلدی.