عامه قۉریقچیسی ملی تصدی عمومی ریاستی نینگ سۉزلاوچیسی شهادتیگه تېگیشلی مطبوعاتی اعلامیه

عامه قۉریقچیسی ملی تصدی عمومی ریاستی نینگ سۉزلاوچیسی شهادتیگه تېگیشلی مطبوعاتی اعلامیه

ارگ، کابل: ترورچیلر اۉزی نینگ جنایتی دوامیده، بوگون اېرته لب ایچکی ایشلر وزیرلیگی نینگ عامه قۉریقچیسی ملی تصدی عمومی ریاستی نینگ سۉزلاوچیسی ضیا ودان مینیلگن موترنی کابل شهری نینگ سکّیزینچی ناحیه سیده هجوم آستیگه آلدیلر. نتیجه ده او ایکّی یۉلداشی بیلن شهید قیلیندی.

جمهور رئیس غنی اوشبو ترورچیلیک حادثه نی قاره لب ایتیشیچه، اولکه سېور شخصیتلر، صادق و خذمتچی کیشلرنی نشانگه آلیش بشریتگه ضد جنایت و اسلامی قدریتلرگه قرشی عمل حسابلنه دی.

جمهور رئیس غنی، طالبلر تامانیدن زۉروانلیک کۉپه یتیریلگنینی تینچلیک بۉییچه تعهد روحیه سیگه سلبی تاثیر قالدیریشی ممکن دېدی. گناه سیز آدملرنی اۉلدیریش و عامه خلق فایده لنه دېگن موسسه لرگه زیان یېتکزیش اولرنی صادق بۉلمه گنینی کۉرسته دی دېدی او.

افغانستان اسلامی جمهوریتی جمهور رئیسی حادثه نینگ عامللری تانیلیب قولگه آلینیشی اوچون تېگیشلی اداره لرگه بویروق بېریش بیلن بیرگه شهیدلر عایله سیگه اۉزی نینگ چوقور قیغوداشلیگینی بیلدیره دی.