جمهور رئیس غنی خصوصی سکتور نماینده لری بیلن اوچره شدی

جمهور رئیس غنی خصوصی سکتور نماینده لری بیلن اوچره شدی

افغانستان اسلامی جمهوریتی جمهور رئیسی محمد اشرف غنی، بوگون کیچقورون خصوصی سکتور نماینده لری بیلن بولگن اوچره شووده اولرنینگ ایستک و پیشنهادلرینی ایشیتدی.

ارگ نینگ چهار چنار قصریده بولیب اوتگن بو اوچره شووده بیرینچیدن افغانستان اتاقلر فدراسیونی باشلیغی محمد اسماعیل غضنفر، خیرالدین مایل، خان محمد فروتن، اخترمحمد، عبدالقاهر، عبدالجبار صافی، محمد هاشم غزنیوال و قلندر رحیمی صحبت قیلیب، خصوصی ستکور همیشه افغانستان دولتی و خلقی یانیده تورگن و ییگولیک آزیق آوقت کملیگیگه روپه ره بولمه یمیز دیدیلر. 

اولرنینگ ایتیشیچه، دولت همکارلیک قیلگنده ییر قوشیمچه باشقه قولیلیکلر یره تیلگن حالده، افغانستاننی بوغدای، اون، میوه، تاووغ، اصلاح ایتیلگن تخملر و باشقه ضرورت بولگن موادلر بیلن تامینله یدیلر. عین حالده اولر، باجخانه وگمرکلر، کیلتیریله دیگن بوغدای تعرفه سی معافیتی، ساووتگیچلر، باجخانه لرده تاسیسات ایجاد بولیشی کمیشن کارلیک و مافیانینگ آلدی آلینیشی کبی قیینچیلیکلری حل بولیشی اوچون پیشنهادلرینی جمهور رئیس بیلن پایلشدیلر. 

اولرنینگ صحبتلری و فکرلرینی ایشیتگن جمهور رئیس غنی جنابلری، پیشنهادلرینگیز توغریسیده، عالی اقتصاد کینگشیده تیگیشلی وزیرلیکلر تعقیبی و قرار آلیش ییغین اوتکزه دیلر دیدی. 

خودی شونده ی مملکت جمهور رئیسی خصوصی ستکور نماینده لریدن، حیرتان، تورغندی و آقینه بندرلری نینگ مقایسوی جدولینی ترتیبلب جمهورلیک ریاستی عالی مقامی بیلن شریک قیلیشلرینی طلب قیلدی. بو جدول اساسیده لازم قرار قبول قیلینیب مذکور بندرلرگه لازم سرمایه یاتقیزیله دی دیدی مملکت رهبری. 

ایچکی ایشلب چیقاریش میزانی کوپه ییشی برچه نینگ فایده سیگه دیگن جمهور رئیس غنی، افغانستان صادر قیلوچی ییریک مملکتگه ایله نیشی کیرهک دیدی. ایشلب چیقاروچی فابریکه لر وارد قیلوچی شرکتلر هماهنگلیگیده، ارزش زنجره سینی ایجاد کوچه یتیرسینلر و دولت بو توغریده هر قنده ی همکارلیککه تیار.

اولرگه خطاب قیلگن جمهور رئیس غنی، سالیق/ مالیه کمیه یگن تقدیرده، مواد قیمتلری باره سیده بیر توختمگه کیله یلیک و سیزلر قنچه منفعت آله سیزلر دیدی. ییر ترقه تیش اوچون قیینچیلیک یوق دیگن غنی جنابلری، معیین بیر پیشنهاد بیلن کیلینگلر قیسی بیر شرایط اساسیده زمین ایسته ی سیزلر دیدی.

شو کبی مملکت رهبری، تاووغچیلیک، جوجه ییتیشتیریش و اولرنینگ آوقتی توغریسیده سرمایه یاتقیزیشنی کوپه یتیرینگ دیدی. گمرکلر همده بندلر خوفسیزلیگی و باشقریلیشی خصوصیده اساسی اوزگریش کیله دی دیب قوشیمچه قیلدی. مالیه وزیرلیگی حجتنی تکمیل ایتیش پروسه سینی ساده قیلیشی کیره ک.

جمهور رئیس غنی اوزی نینگ یکونی سوزلریده، خصوصی سکتور نماینده لریدن، برقرارلیک، ایش جایینی یره تیش، قیشلاق و اولوسوالیکلر ییرلریدن یخشی فایده له نیش اوچون طرح لرینگیزنی تقدیم قیلینگ دیدی.#