جمهور رئیس غی: اجرائیه و مقننه قوه سی اۉرته سیده همکارلیک نینگ ینگی فصل باشلندی

جمهور رئیس غی: اجرائیه و مقننه قوه سی اۉرته سیده همکارلیک نینگ ینگی فصل باشلندی

افغانستان اسلامی جمهوریتی جمهور رئیسی محمد اشرف غی، بوگون اېرته لب اولوسی جرگه نینگ باشلیغی همده اعضالری بیلن ارگ نینگ سلام خانه قصریده اوچره شدی.

جمهورلیک ریاستی نینگ اۉرین باسرلری، ملی خوفسیزلیک مصلحتچیسی و جمهورلیک ریاستی ایشلری بۉییچه عمومی اداره نینگ باشلیغی حضوریده بۉلیب اۉتگن بو اوچره شووده، بیرینچیدن جمهور رئیس محمد اشرف غنی اولوسی جرگه نینگ اعضالریگه ۱۴۰۰- مالی ییل ملی بودجه سینی تصدیق اېتگنلری اوچون منتدارچیلیک بیلدیریب، افغانستان هر بیر زماندن کۉره دایمی و عادلانه بیر صلح گه اېریشیش اوچون یخشی بیر موقفده تورگن دېدی.

اونینگ کۉپه یتیریشیچه، بو تۉغریده کېلگوسی آیلرده ملی کېنگش بیلن مصلحت قیلینه دی و اساسی بی یېچیم یۉل تاپیلیشی اوچون جدی مذاکره شرایطی یره تیلیشی ممکن دیر.

مملکت جمهور رئیسی ملی کېنگشگه حرمت کۉرسه تیش اساسی قانون و جمهوریتگه حرمت قیلیش سېنگری دیر و اوچ قوه نینگ همکارلیگی سیز اساسی قانون خطرگه دوچار بۉله دی دېدی. مېن هر دایم سیزلرگه حرمت کۉزی بیلن قره ب کېلگن من دېب اَیتدی او.

اولکه جمهور رئیسی نینگ اورغولب ایتیشیچه، اولوسی جرگه بیلن کۉپراق مصلحت و مشوره قیلینه دی و بیرینچیدن اولوسی جرگه نینگ رهبریتی و کیین اېسه برچه کمیسیونلر بیلن ایری – ایری کۉریشیب اولرنینگ فکر و ملاظحه سی و موکللری نینگ ایستگنی اېشتیب اونینگ اساسیده قرار قرار آله من.

آدملر سیاسی قتلمدن ایشانچ ایسته یدیلر دېیه اشاره قیلیب گپیرگن جمهور رئیس غنی مالیه وزیرلیگی نینگ مسووللریگه، بودجه توزیشده اساسی اۉزگریش کېلتیریشلرینی سۉره دی. 

دنیا جماعه چیلیگی نینگ کمکلری جینوا کنفرانسیگه مشروط لیگینی بیلدیرگن جمهور رئیس غنی، تعهدلر ملتگه و دنیا جماعه چیلیگیگه کۉرسه تیلیشی اوچون ملی کېنگش نینگ همکارلیگینی طلب قیلدی.

جمهور رئیس غنی اۉزی نینگ صحبتلری یکونیده اجرائیه و مقننه قوه سی اۉرته سیده همکارلیک نینگ ینگی بیر فصلی باشلگنینی اوستیده تۉخته لیب و بیرگه لیکده ملت نینگ ایستکلرینی عملگه آشیره میز دېدی.

اوچره شووده اولوسی جرگه باشلیغی میر رحمان رحمانی صحبت قیلیب، جمهور رئیس نینگ بویروغی اساسیده مالیه وزیرلیگی اولوسی جرگه نینگ اصلاحاتی ایستگی گه ایجابی جواب قیترگنی اوچون تشکرلیک قیلدی.

بودجه تصدیقله نیشی بیلن بوگون حکومت و اولوسی جرگه اۉرته سیده ینگی همکارلیک دروازه سی آچیلگینی گه اشاره قیلیب گپیرگن رحمانی جنابلریگه کۉره، اولوسی جرگه بیلن مالیه وزیرلیگی اۉرته سیده بودجه تۉغریسیده بۉلگن فرقلی قره شلر دموکراسی نینگ گۉزلیک تامانلریدن دیر بو نی هیچ بیر زمان قرمه قرشیلیک دېب توشینمسلیک کېره ک.

اولوسی جرگه باشلیغی، تینچلیک مذاکره‌لری نینگ تۉخته ‌تیلیشی و طالباننی بهانه‌ قیلیشی و اوروش نینگ کوچه ‌ییشی، قورغاقچیلیک و قشّاقلیک نینگ کوچه‌ ییشی مناسبتی بیلن اولوسی جرگه نینگ برچه‌ اعضالری هر قنده ی بیر همکارلیککه تیارلر دېب خلاصه قیلدی.#