کابل و جلال آباد ده یوز بېرگن ترورچیلیک هجوم حقیده مطبوعاتی اعلامیه

ارگ، کابل: طالبلر اۉزی نینگ جنایتی دوامیده، بوگون اېرته لب کابل شهری نینگ اۉن یېتینچی ناحیه سی و جلال آباد شهریده تینچ اهالی موتری اوستیگه ترورسیتی هجوم عملگه آشیریب، بیر قنچه وطنداشلریمیزنی شهید و یره لنتیردی.

جمهور رئیس غنی بو ترورچیلیک حمله نی قتّیق قاره لب ایتیشیچه، طالبلر تینچ اهالی همده عامه تاسیسات اوستیگه هجوم قیلیش بیلن فقط خلق ایچیده قۉرقوو و وحشت تشله یدیلر، اولر بو ایشدن هیچ نرسه قۉلگه کیریته آلمه یدی، بلکه اۉزلری نینگ بونده ی جنایتی بیلن خداوند متعال همده مردم برابریده جوابگرلر.

جمهور رئیس نینگ قۉشیمچه قیلیشیچه، افغانستان حکومتی، مملکت خلقی و دنیا جماعه چیلیگی نینگ اساسی ایسته گی بۉلمیش دایمی آتیش – کېسین برقرارلشتیریلیشی و جاری بحرانگه اساسی حل یۉلنی قبول قیلیب و اولکه اهالیسینی اۉلدیریش اۉرنیده مملکت ترقیاتی و رواجله نیشی اوچون بیزلر بیلن مشترک ایشله شی کېره ک.

شهیدلر و یره لنگنلر عایله سیگه ییتیش اوچون تېگیشلی اداره لر مسووللریگه جدی هدایت بېرگن جمهور رئیس غنی، شهیدلر عایله اعضالریگه اۉز غمشریک لیگینی اظهار قیلیب، یره لنگنلرگه تېزلیکده ساغه لیشنی ایسته یدی.#