جلال آباد شهریده اېملاووچی اوچ عیال شهید اېتیلگنی حقیده مطبوعاتی اعلامیه

ارگ، کابل: افغانستان دشمنلری اۉزی نینگ جنایتی دوامیده، بوگون اېرته لب جلال آباد شهریده ایملاووچی اوچ عیالنی ایکّی تروررستی هجوم نتیجه سیده شهید قیلدی.

حاضر رسمی سفرده تاجیکستان ده بۉلگن جمهور رئیس غنی، بو ترورچیلیک حادثه دن خبر بۉلیب، اونی قتّیق قاره له دی. ساغلیق بۉییچه همده باله لرنی قوتقزیش یۉلیده خذمت قیلیب قولیلیک یره ته دیگن داکترلر، ساغلیق خادملری  ملکی خادملرنی هجوم آستیگه آلیش وحشیلرچه بیر عمل دیر؛ بونی هیچ وقت آقلب بۉلمه یدی.

جمهور رئیسگه کوره، طالبلر و باشقه ترورچی گروهلر قۉرقینچ تشلش بیلن خلقیمیز اینیقسه خذمتچی عیاللرنینگ اراده سنی کوچ سیز اېته آلمه یدی. ترورچیلر بو قاره یوزلیک قیلمیشی برابریده خلق و خداوند (ج) مقابلیده جوابگر دیر.

مذکور حادثه هر تامانلمه اۉرگه نیلیشی اوچون تېگیشلی اداره لر مسووللریگه بویروق تاپشیرگن جمهور رئیس غنی، شهیدلرنینگ عایله اعضالریگه قیغوداشلیک اظهار قیلیب، شهیدلرگه الله تعالیدن بهشت بَرین سۉره یدی.