تخار عالملر کېنگشی باشلیغی شهادتی و بلخ ده یوز بېرگن پارتلش حقیده مطبوعاتی اعلامیه

ارگ، کابل: تروریستلر اۉزی نینگ جنایتی دوامیده بوگون تخار ولایتی دین عالملر کېنگشی باشلیغی مولوی عبدالصمد محمدی مینیلگن موترنی تالقان شهری نینگ سرک چهار منطقه سیده تروریستی هجوم آستیگه آلدی. نتیجه ده محمدی شهید و باشقه ایکّی یۉلداشی تن جراحتی آلگن. باشقه تاماندن بلخ ده یوز بېرگن بیر پارتلشده باله لر شامل بیر نېچه کیشی تینچ اهالی شهید و یره لنگنلر.

جمهور رئیس غنی مذکور تروریستی حادثه نی قتّیق قاره لب ایتیشیچه: هر دایم عامه خلق ذهینی یاروتیش و اسلام دینینی تبلیغ قیلیب کېلگن دین عالملرینی نشانگه آلیب اۉلدیریش و تینچ اهالی اینیقسه باله لرنی نشاگه آلیش اسلام قدریتلری همده بشریتگه ضد جنایت حسابلنه دی. طالبلر بونده ی قیلمیش بیلن صلح گه نسبتن ایشانچی بۉلمه ی اوروشنی دوام بېریشگه علاقمندلیگینی کۉرسته دی.

جمهور رئیس غنی تېگیشلی اداره لرگه حادثه هر تامانلمه اۉرگه نیلیشی و واقعه نینگ عامللری تانیلیب جزاگه تاپشیریلیشی اوچون بویروق بېردی.

افغانستان اسلامی جمهوریتی جمهور رئیسی، شهید مولوی عبدالصمد محمدی و باشقه شهیدلر عایله اعضالریگه اۉز قیغوداشلیگینی بیلدیریب، یره لنگلر تېزلیکده ساغه لیشینی الله تعالی درگاهیدن سۉره یدی.