جمهور رئیس غنی ملی پولیس ایکّی یوز اورینلیک شفاخانه سینی باریب کوردی

جمهور رئیس غنی ملی پولیس ایکّی یوز اورینلیک شفاخانه سینی باریب کوردی

افغانستان اسلامی جمهوریتی جمهور رئیسی محمد اشرف غنی، تیناوون کیچقورون ملی پولیس ایکّی یوز یاتاقلیک شفاخانه سینی باریب کوردی. جمهور رئیس غنی اوشبو شفاخانه نینگ عمومی وضعیتی همده کسللرنی دوالش بوییچه خذمتلرنی یقیندن اورگندی.

جمهور رئیس غنی جنابلری مذکور شفاخانه گه بارگن پیتده ایچکی ایشلر وزیرلیگی سرپرستی همده جمهورلیک ریاستی ایشلری بوییچه اداره عمومی رئیسی آرقه لی همراهلیک قیلیندی. بیرینچیدن تیگیشلی اداره نینگ مسووللری شفاخانه نینگ عمومی وضعیتی و کسللرنی قنده ی دوالش حقیده معلومات بیردیلر.

کسللرگه الله تعالی درگاهی دن تولیق ساغلیق ایسته گن جمهور رئیس غنی، ملی پولیس ایکّی یوز اورینلیک شفاخانه سی نینگ مسووللریگه، کسللرنی جدی کوزه تیش و اولرگه معیاری خذمت کورسه تیش بوییچه برچه امکانیتدن فایده له نیشنیگه اونده دیدی.

سونگره، اوشبو شفاخانه نینگ معالج داکترلری همده مسووللری، کسللرگه یخشی قره ش و اولرگه ساغلیق بوییچه خذمت کورسه تیش یولیده هر قنده ی سعی و تلاش قیلیشلری خصوصیده جمهور رئیس غنی جنابلریگه ایشانچ بیردیلر.