جمهور رئیس غنی باشچیلیگیده اوتکزیلگن ییغیلیشده باغچیلیک سکتوری قنده ی کوچه یتیریلیشی اوستیده بحث قیلیندی

جمهور رئیس غنی باشچیلیگیده اوتکزیلگن ییغیلیشده باغچیلیک سکتوری قنده ی کوچه یتیریلیشی اوستیده بحث قیلیندی

افغانستان اسلامی جمهوریتی جمهور رئیسی محمد اشرف غنی، بوگون توشدن کیین ایکینچلیک، سوولنتیریش و چارواچیلیک وزیرلیگی نینگ رهبرلیک هیایتی بولگن اوچره شووده مملکتده باغچیلیکنی کوچه یتیریش اوستیده بحث قیلدی. 

ویدیو کنفرانس آرقه لی ارگ ده بولیب اوتگن بو اولتیریشده، بیرینچیدن ایکینچلیک، سوولنتیریش و چارواچیلیک وزیرلیگی وزیری انورالحق احدی، باغچیلیک سکتورینی کوچه یتیریش خصوصیده گی ریجه بارسیده معلومات بیریب اونی مهم برنامه لردن دیب، حاضرگی کونده ایکّی میلیون افغان باغچیلیک ایشلری بیلن شغلنه دیلر دیدی. 

او، اوتگن ییلده باغچیلیک محصولاتی 20 فایز آشگنینی معلوم قیلدی. شونینگدیک او، بیزلرنینگ صادراتیمیزنی 70 فایزینی ایچینچیلیک محصولاتی تشکیل ایته دی دیب قوشیمچه قیلدی. 

مذکور معلوماتلرنی ایشیتگن جمهور رئیس محمد اشرف غنی، ایکینچیلک، سوولنتیریش وچارواچیلیک جماعه نینگ اساسی ثباتینی نینگ تمل تاشی دیر و باغچیلیک سکتوری کوچه یتیریلیشی اوچون دولتی و خصوصی سکتور جدی ایشله شی ضرور دیدی. 

اونینگ سوزلریگه کوره، ایکینچلیک، سوولنتیریش و چارواچیلیک بولیملریده سرمایه یاتقیزیش مینگلب کیشینی ایش جایلری بیلن تامیلنه دی و رسمی اقتصادی ایشی کوچه یه دی. 

جمهور رئیس غنی جنابلری، زراعت بولیمیده گی یاشلرنینگ کیله جگی بولمه گنی توغریسیده نا درست ذهنیت اورته گه کیلگن، عکس حالده ایکینچلیک بولیمیده گی یاشلرنینگ یخشی کیله جکلری بارلیگینی تیلگه آلدی. 

مملکت جمهور رئیسی اوزی نینگ یکونی سوزلریده قیشلاقلرنی رواجلنیتریش زویرلیگی، سوونی تنظیم ایتیش ملی اداره سی و باشقه تیگیشلی اداره لرگه مملکت ده باغچیلیک ایشلری یخشی له نیشی توغریسیده افغانستان ایکینچلیک، سوولنتیریش و چارواچیلیک وزیرلیگیگه همکارلیک قیلیشلرینی سوره دی.