جمهور رئیس غنی متراکم و غیر متراکم باغلر قوریلیشی ‌نینگ باشلنیش مراسمیگه قتنه‌شیب گپیردی

جمهور رئیس غنی متراکم و غیر متراکم باغلر قوریلیشی ‌نینگ باشلنیش مراسمیگه قتنه‌شیب گپیردی

افغانستان اسلامی جمهوریتی‌ نینگ جمهور رئیسی محمد اشرف غنی بوگون توشدن سونگ ایکینچیلیک، سوغاریش و چارواچیلیک وزیرلیگی تامانیدن کابل‌نینگ پغمان تومنیده متراکم و غیر متراکم باغلر قوریلیشی‌نینگ باشلنیش مراسمیگه قتنه ‌شیب گپیردی.
ارگده ویدیو کنفرانس آرقه لی یولگه تشلنگن بو مراسمده دستلب ایکینچیلیک، سوغاریش و چارواچیلیک وزیری داکتر انوارالحق احدی، جمهور رئیس‌ نینگ یوز مژده سیدن بولگن اوشبو باغلر قوریلیشی حقیده معلومات بیردی.
او، جمهور رئیس ‌نینگ ایکینچیلیک سکتوریدن قیلگن حمایتی دن منتدارچیلیک بیلدیریش دن بولک باغدارلیکنی ایکینچیلیک‌نینگ اونیملی بولیملریدن بولگنینی ایتیب ایکینچیلیک وزیرلیگی‌نینگ باغدارلیک سکتوریگه بولگن اولویتلری اساسیده بوگون ۱۳ ولایتده بیر مینگ ۲۰۰ هکتار باغ قوریلیش ایشی باشلنگنینی بیلدیردی. بو باغلر متراکم و غیرمتراکم باغلردن عبارت بولگن و افغانستان نینگ اساسی صادراتی حسابلنگن میوه تجارتی کیله ‌جکده آرتیشیگه سبب بوله‌ دی.
جمهور رئیس غنی مذکور معلوماتنی ایشیتگندن سونگ ایکینچیلیک، چارواچیلیک و باغدارلیک جماعه ثباتی‌ نینگ اساسینی توزه‌دی و دولتی و خصوصی سکتورلر ایکینچیلیک و باغدارلیک ایشلری آلغه کیتیشیگه کوپراق توجه ایتیشینی تیلگه آلدی.
او، ایکینچیلیک و باغدارلیک بوییچه سرمایه یاتقزیش یوز مینگلرچه عایله گه ایش امکانیتینی یره‌تیب و رسمی اقتصادنی کوچلنتیره ‌دی دیدی.
جمهور رئیس هوا دهلیزلری توزیلگن و مملکت صادراتی‌نینگ کوپ قسمینی زراعتی محصولات تشکیل بیریشینی تیلگه آلدی. او مملکت ایکینچیلیک محصولاتی نینگ اساسی قیینچیلیگی بازار یوقلیگی ایمس، بلکه پروسس مرکزلری دیر و بو خصوصده کوپ ایشلنیب و پروسس مرکزلری ایجاد ایتیلیشی لازملیگینی بیلدیردی.
مملکت جمهور رئیسی یاشلر کیله‌جگی ایکینچیلیکده ایمس دیگن بیر نا توغری فکر وجودگه کیلگن، عکسینچه یاشلر ایکینچیلیک بولیمیده یخشی کیله‌ جککه ایگه لر، چونکه افغانستان  ییر، هوا و میوه لری دنیا سطحیده فرقلی بولگنینی بیان قیلدی.
جمهور رئیس غنی سوزلری‌نینگ اخیریده قیشلاقلرنی رواجلنتیریش وزیرلیگی، سوو ایشلرینی باشقریش ملی اداره سی و باشقه تیگیشلی اداره لرگه ایکینچیلیک، سوغاریش و چارواچیلیک وزیرلیگی بیلن مملکتده باغدارلیک ایشی رواجلنیشی اوچون هر تورلی همکارلیک قیلیش بویروغینی بیردی.#