جمهوریین اُستُمان کماش غنی په ډنئ کارانی وزیر و په ای وزارتئ سیاسین کمککارا دولتین نشان و مدالا دات

افغانستانئ اسلامیین جمهوریتئ جمهوریین اُستُمان کماش محمداشرف غنی به ایشیایی دِل- استانیولئ لړیئ نهمی کنفرانس و په افغانستانا شه جینوایی کنفرانسئ سوبین تسر بوهگئ وجا په ډنئ کارانی وزیر محمدحنیف اتمر غازی امیرامان الله خان دولتین نشانا و په ای وزارتئ سیاسین کمککار میرویس ناب غازی میر مسجدی خان دولتین مدالا دات.به گلخانه ماړیا مروچی دیما شه نیمروچا به ای باروا به جوړ بوتگین دودا، اول جمهوریین اُستُمان کماشئ کمککارین گُشوک فاطمه مورچل به ای باروا جمهوریین اُستُمان کماشئ فرمانان وانت.جمهوریین اُستُمان کماش غنی په محمد حنیف اتمر غازی امیرامان الله خان دولتین نشان و په میرویس ناب غازی میرمسجدی خان دولتین مدالا دات و په آوان به داتگ بوتگین ذمه داریان سوبانی امیتا کُرت.به گُډسرا ډنئ کارانی وزیر محمدحنیف اتمر و ای وزارتئ سیاسین کمککار میرویس ناب په آوان شه نشان و مدال دیگئ وجا شه جمهوریین اُستُمان کماشا منتواری روش کُرت انت و په هموطنان به هذمت کنگئ بهرا یکوار دگه وتی کئول و وهدان روش و دراء کُرت انت.