جمهوریین اُستُمان کماش: وشهالیئ جاگه انت که مروچی مان وطنا به میلیاردانی افغانیانی کاسا پروژه به کټ زورگا سپارتگه بنت

افغانستانئ اسلامیین جمهوریتئ جمهوریین اُستُمان کماش محمداشرف غنی مروچی پیشینی به “صد روچ، صد مِستاگئ” پروگرامئ لړا به شارین ود و راہ جوړکنگئ هپتگا عامین پایدگئ وزارت، کابلی شاروالی و بُنجاهئ دمگئ ود و دیمریئ اداره پروژانی پاچ کنگئ دودا بهر و گپ و هبر کُرت.به چار چناری ماړيا به ای باروا به جوړ بوتگین دودا که جمهوریین ریاستئ اول کمککار و کابینه لهتین باسک هم ات انت، اول کار و اداره مزنین کماش داکترفضل محمود فضلی جمهوریین اُستُمان کماشا گُشت، به شمئ راهشونی و دلگوشیا به بریبرین ود و دیمریئ چوکاتا به صد روچ و صدمِستاگئ پروگراما که گون کمال خانی سدیئ پاچ کنگا بُنگیج بوت، ودوانزده هپتگ به مُچین وطنا رادگه مانیت.آء گُشت، مروچی عامین نپ وکټ دارگئ وزارت، کابلی شاروالی و شه بُنجاهئ دمگئ ود و دیمریئ اداره نیمگا شارین ود و دیمریی و به راه جوړکنگئ هپتگا ۲۵،۴ میلیارد افغانیئ ارزشتا آسر بوتگین ۲۸ جتاجتاین پروژه پاچه بنت.رندا عامین نپ و کټ داروکین کارانی وزیر نجیب الله یمین به شورابک-سپین بولدک و شرنی-انگور اډیی سړیکانی لوړا ۳۶۶ کیلومتر سړیکانی ۸۴۰ پلچگ و ۲ مزنین پُلانی جوړ کنگا، کابلی شاروال محمدداوود سلطانزوی به پُل پاچا و پُل شینه و به ۳ گذرانی ود و دیمریانی و پدا جوړکنگ و به بُنجاهئ دمگئ ودیئ اداره کماش نجیب الله شینواری به جتاجتاین ولایتان به وتی پروژانی باروا مالومات دات انت.شه پدا شه ویدیو کنفرانسئ راها به جمهوریین اُستُمان کماشئ راهشونیا ذمه دار به جاهمنندین نندوک و به مربوتین ولایتین کادربرانی لوړا جتاجتاین پروژه پاچ کُرتگ بوت انت.جمهوریین اُستُمان کماش غنی په هموطنان به ای پروژه هانی مُراد دیگئ وهده گُشت، وشهالیئ جاگه انت که مروچی به وطنا به میلیاردانی افغانیانی ارزشتا پروژه به کټ زورگا سپارینتگه بنت. آء به شهید سردارمحمدداوودخانی درمانجاها شه عملیاتا و رندا شه اُستُمانئ بی مټ و بی درورین دلپدردی و په اصولی، مسلکی و بُنگیجین رازی شه عملیاتئ تسر کنگئ وجا شه داکتران منتواری روش کُرت.وطنئ جمهوریین اُستُمان کماش جمهوریین ریاستئ اول کمککارا ای رازی پلانئ جوړ کنگئ راهشونیا کُرت که شه وجی شهید سردار محمدداوودخانی درمانجاه په وطنئ امنیتی و دیم پانین واکانی درمان کنگئ اول درجه درمانجاهی بدل بیت.جمهوریین اُستُمان کماش به پروژه ساتن و چاریگرگئ سرا به سوگه پانادا ترانسپورتئ وزارتا به مزن راهانی باربروکین کاربوجانی سرا سک چاری و شار جوړکنگ و ډگاریئ وزیرا به ډگارانی پداگرگئ سرا سکین دلگوشیئ راهشونیا کُرت.جمهوریین اُستُمان کماش به ای سړکانی باروا شکسین سکتوریئ سلاء و شئورا ارزشتناک زانت و گُشت، گون ترانسپورتان بائید به کچ و کاسانی باروا به روش و دراین آسری برس انت، پرچی که ای سړک په بازین وزنا جوړ نبوتان.همیراز عامین نپ و کټ داروکین کارانی وزیرا گُشت که سړکان جوان جوړ و به کمین بهای شه آیه لوټ ایت.جمهوریین اُستُمان کماش گُشت، بریبرین ود و دیمریئ نه تانا ولایتانی، بلکین به کابلی شاریئ بهرانی نیاما که دیما به آوان دلگوشیه نبوت مهم انت. ډگارانی گِرگئ دیمگیری و بریبرین ود و دیمریئ سرا به دلگوشیئ بهرا جمهوریین ریاستئ اول کمککار، کابلی والی و شاروالئ کوشست و تلواسگان سِتا کُرت.وطنئ جمهوریین اُستُمان کماش گُشت، کابلی ولسوالیانی امنیت و به محرومین ولسوالیانی ود و دیمریئ سرا سک دلگوشیه بیت و کابلی شاروال بائید به گزکی دمگا به کچټیانی برگئ بدلا به خاکجباری ولسوالیئ ود و دیمری و سبزیا سک دلگوشی بکنت.جمهوریین اُستُمان کماش غنی گُشت، په پیه و سرمایه ایرکنگا به بُنگیجین رازی جاور بریبر انت، صیاد به چارکنگئ جاگه بدل و په ایشی روش و دراین پلانی بریبر بیت. آء گیش کُرت، سول آتنی انت، بلی ما بائید به ود و دیمرین پروژه هانی سرا سک دلگوشی بکن انت و افغانستانئ آیوکا هوندی بکن انت.