افغانستانئ اسلامیین جمهوریتئ جمهوریین اُستُمان کماش محمداشرف غنی مروچی دیما شه نیمروچا به یک دودی لړا په فنلندی ډنئ کارانی وزیرپیکا هاوستو و فنلندی ډنئ سوداگری و ود و دیمریئ همکاریانی وزیر ویل سکناری غازی محمداکبرخانی دولتین مدالان و به افغانستانا په ای وطنئ سفیر یانی تالس غازی میرمسجدی خانی دولتین مدالان دات.به آء دودا که به ای باروا مان ارگا تسربوت، اول جمهوریین ریاستئ گُشوکئ کمککار فاطمه مورچل به ای باروا جمهوریین اُستُمان کماشئ فرمانا وانت.جمهوریین اُستُمان کماش غنی به هر دو وطنانی دوستانین رابطه هانی ود و دیمری، به جینوای کنفرانسا شه فنلندی کئول و وهده و به گزرانی، سماجی و ود و دیمرین بهران شه ای وطنئ همکاریان یات و سِتا کُرت.فنلندی کادربر شه جمهوریین اُستُمان کماشئ مدال دیگا منتواری روش کُرت انت و گُشت انت وطنی تُپاک، وت واک و اُستُمان واکین افغانستان و همیراز شه په عدلین و مدامین سولئ برجم بوگا پلامرزیه کن انت.
جمهوریین اُستُمان کماش غنی په فنلندی وطنئ ۳ بُرزرتبین کاردربران دولتین مدالان دات
