افغانستان اسلامی جمهوریتی جمهور رئیسی محمد اشرف غنی، بوگون توشدن سونگ قندهار ولایتی ارغنداب اولوسواللیگی نینگ قوم بویوکلری و آقسقاللری بیلن اوچره شیب، بو اولوسواللیک خلقی قیینچیلیگینی ایشیتیب تیگیشلی اداره لر مسووللریگه بویروق تاپشیردی.
ارگ ده بولیب اوتگن بو اوچره شووده بیرینچیندن قندهار ولایتی والیسی روح الله خانزاده گپیریب، جمهور رئیس نینگ توجه سیدن تشکرلیک قیلیشدن علاوه، مدافعه وزیرلیگی سرپرستی و بو وزیرلیک نینگ لوی درستیزی مذکور اولوسواللیککه قیلگن سفری حقیده اوزی نینگ معلوماتلر تقدیم قیلدی. او، کوپریک و کوپریکچه لر، اریغلر، اهالی نینگ یشش اویی، مکتبلر و مسجدلر بو اولوسواللیکده طالبلر تامانیدن ویران ایتیلگن حقیده گپیریب، مذکور اولوسواللیک قیته قوریلیشی، ماینلردن تازه له نیشی و اوز جاییدن آواره بولگنلرگه شاشیلینچ یاردم بیریلیشی توغریسیده گی پیشنهادینی جمهور رئیسگه شریک قیلدی.
کیینچه لیک ملی مدافعه وزیرلیگی سرپرستی سترجنرال محمد یاسین ضیا و بو وزیرلیک نینگ لوی درستیزی خوفسیزلیک و دفاعی کوچلر بیلن هماهنگلیک و همکارلیک قیلگنی اوچون ولایت والسیگه تشکرلیک قیلیب، ارغنداب خلقیگه بیرگه لیکده همکارلیک قیلیش اوچون ملی تاجرلردن یاردم سوره دی. او، بو اولوسواللیکده یول چیتیگه اورنه تیلگن ماینلر تازه لنه دی دیدی.
باشقه تاماندن مردمی کینگش باشلیغی حاجی محمد شهروندلیک میثاقی و طبیعی حادثه لر بوییچه وزیرلیک تامانیدن ارغنداب اولوسواللیگی خلقیگه ییتیلیشی یانیده یوللر و و سوولنتیریش سیستم قیته قوریلیشی اوچون همکارلیک قیلیشنی پیشنهاد ایتدی.
کیینچه لیک ولایت تجارت اتاقی همده سرمایه یاتقیزیش رئیسی محمد نیوسف مومند گپیریب، بو اولوسواللیک اهالیسی اوچون ۱۶۵۰ باغلم کمک ترتیب بیریلگن و کوپراق یاردم بولیشدن ایشانچ بیردی.
جمهور رئیس غنی جنابلری، ارغنداب اولوسواللیگی نینگ مردمی و بویوکلریگه قیغوداشلیک بیلدیریب، او اولوسواللیکده سونگگی وقتده یوز بیرگن حادثه ده شهد بولگنلر روحیگه دعا قیلیب و یره لنگنلر بوتکول ساغه لیشینی طلب قیلدی.
جمهورلیک ریاستی ایشلری بوییچه عمومی اداره گه بویروق تاپشیرگن غنی جنابلری، ارغنداب اولوسواللیگیده طالبلر تامانیدن اورنه تیلگن ماینلر تازه له نیشی اوچون ماین تازه لش موسسه لر بیلن به تفصیل گپیریلیشی کیره ک دیدی. شونینگدیک ایچکی ایشلر وزیرلیگیدن مذکور ماینلردن تصویر آلیب اونی بیرلشگن ملتلر تشکیلاتی و باشقه خلق ارا تشکیلاتلر بیلن شریک قیلیشنی سوره دی.
باشقه تاماندن جمهور رئیس غنی جنابلری، ارغنداب اولوسواللیگیده گی وحشت و ویرانگرلیک کولمی نهایت کوپ بولگنی اوچون ایکینچیلیک، قیشلاقلرنی رواجلنتیریش، حج اوقاف، ساغلیقنی سقلش، معارف و طبیعی حادثه لر بوییچه دولت وزیرلیکلری قوشیمچه اداره امور و محلی ارگانلر مستقل اداره سیگه قندهار ولایتی والیسی بیلن همکارلیکده یاردملر و قیته قوریشنی باشلشلرینی بویردی.
عین دمدم جمهور رئیس غنی بونده ی وحشت نینگ آلدینی آلیش مقصدیده قندهارلیک قوم بویوکلر اینیقسه ولایت والیسیدن ولایت محلی اداره لری قاله ویرسه خوفسیزلیک ودفاعی کوچلر بیلن کوپراق هماهنگ بولیشلرینی اونده دی.#