افغانستان اسلامی جمهوریتی جمهور رئیسی محمد اشرف غنی، بوگون کیچقورون نظامی گنجوی خلق ارا مرکزیده اوتکزیلگن بیر ییغینده ویدیو کنفرانس آرقه لی اشتراک قیلدی. بو ییغیلیش آذربایجان پایتختی باکوده بو مملکت حکومتی ابتکاری بیلن یولگه قویلگن ییغینیده جمهور رئیس غنی تینچلیک پروسه سی، افغانستاندن امریکا و ناتو کوچلری آلیب چیقیلیشی و اونینگ تاثیری همده همگرالیک و منطقوی باغله نیش کبی موضوعلر اوستیده گپلشدی.
بو ییغیندن جمهور رئیس غنی دن علاوه بعضی بیر دولتلر همده خلق ارا تشکیلاتلرنینگ بلند مرتبه لی رسمیلری قتنشگن ایدیلر. بیرینچیدن جمهور رئیس غنی، نظامی گنجوینی منطقه نینگ ییتوک شاعر همده داستان سرا لریدن بولگنینی تیلگه آلیب، اونینگ اثرلری اینیقسه خمسه یا پنج گنج منطقه دولتلری قاله ویرسه افغانستان و آذربایجان نینگ بویوک میراثی دیدی.
کیین افغانستان جمهور رئیسی غنی جنابلری، امریکا جمهور رئیسی جوبایدن نینگ سمپتمر آیده برچه خلق ارا حربی قوشینلر افغانستاندن آلیب چیقیلیشی باره سیده آلگن قراری اوستیده توخته لیب، بیزلر و تصمیمگه حرمت قیله میز و بو جریان بجریلیشی یولیده لازم همکارلیک قیلیشیمیز ممکن دیب ایتدی.
جمهور رئیس غنی نینگ سوزلریگه کوره، ترورچی گروه لر و جرمی ترماقلردن کیلیب چیققن بحراننی باشقریش اوچون افغانستان بیلن بولگن همکارلیکلر همان دوامی ایتیشی کیره ک دیدی.
طالبلر صلح نی قبول قیلسین یا – ده اولرگه قرشی کوره شیش جریانی دوام ایته دی دیگن جمهور رئیس غنی، خلقیمیز اساسی حقلری بولمیش تینچلیکده ییش حقوقی دن ۴۲ ییلدن بیری محروم قیلینگنلرینی تیلگه آلدی. اونگه کوره، اوروش، خشونت، زوروانلیک بولمه گن بیر افغانستان، پاکستان و برچه دولتلرنینگ فایده سیگه دیر.
باشقه تاماندن جمهور رئیس غنی افغانستان دولتی نینگ تورلی بولیملرده قولگه کیریتگن یوتوقلری اینیقسه خاتین قیزلر حقوقی تامینلنگنی گه اشاره قیلیب، افغانستانلیک عیاللرنینگ برچه بولیملرده مشارکتی میزانی آشگن دیر و حاضر اولر اوزیدن نماینده لیک قیله دی دیدی.
عین حالده، مملکت جمهور رئیسی محمد اشرف غنی، تینچلیک یول خریطه سی اوچون ستون آتیش – کیسین، مستحکم تینچلیک تامینله نیشی و سیلاولر اوتکزیلیشیگه یونلتیریلگینینی تیلگه آلیب، تینچلیککه ایریشیش اوچون جمهورلیک ریاستی دورم پایانیگه ییتمسدن آلدین سیلاولر اوتکزیلیشی اوچون تیار من دیدی.
تاپ، تاپی، کاسا بیر مینگ و آپتیک فایبر ترماغی کبی منطقوی ییریک پروژه لر عملگه آشیریلیشیگه اشاره قیلگن جمهور رئیس غنی، بولرنی افغانستان خلقی و منطقه دولتلری ایللری حیاتی یخشیله نیشی اوچون اولکن اهمیتگه ایگه بولگنینی اظهار قیلدی.
جمهور رئیس غنی بو ییغیلیشده بیزلر نظام توزیش باسقیچیده تورگن میز، مملکتیمیز دیجیتالی بولیش سری حرکت ده دیر مدنی ترماقلر، عیاللر، دین عالملری و یاشلر مردم سالارلیک نظام کوچه یتیریلشی اوچون اساسی نقش اوینه گنلر و چیت ایلده گی افغانستانلیک متخصصلرنینگ رولی علیحده اهمیت کسب ایته دی دیگن.
باشقه تاماندن مملکت جمهور رئیسی بو ییغین نینگ یکونی قسمیده اشتراکچیلرنینگ تینچلیک پروسه سی، استانبول ییغینی، صلح پروسه سیده عیاللر رولی، منطقوی باغله نیش و ییریک آست قورمه پروژه لرگه قره تیلگن سواللریگه جواب قیتردی و چیت ایللیک کوچلر آلیب چیقیلگن دن کیین دنیا جماعه چیلیگی افغانستانگه کوپراق اعتبار بیریشلری خصوصیده علیحده اورغوله دی.#