افغانستان اسلامی جمهوریتی جمهور رئیسی محمد اشرف غنی، بوگون توشدن آلدین هسپانیه تشقی ایشلر وزیری خانم ارانجا گوزالیز لایا بیلن تیلفونده صحبت قیلدی.
مملکت بیرینچی خانمی همده دولت نینگ قطار یوقاری مرتبه لی رسمیلری حضوریده بولیب اوتگن بو تیلفونی صحبتده، هر ایکّی تامان تینچلیک باره سی، امریکا نینگ سونگگی قراری و افغانستان بیلن همکارلیکلر دامی باره سیده گپیریب فکر المشتیردیلر.
امریکا قوشمه ایالتلری اوز حربی قوشینلرینی افغانستانده آلیب چقیشی باره سیده اشاره قیلیب گپیرگن جمهور رئیس غنیگه کوره، بیزلر ایکّی ییل آلدین بونده ی بیر قرارنی کوتگن ایدیک. مین جمهور رئیس بایدن و او مملکت تشقی ایشلر وزیری بیلن ایکّی تامانلمه کیلیشوو اینیقسه ایکّی مملکت اورته سیده گی امنیتی استراتیژیک اسره لیشی باره سیده گپیردیم دیدی.
اونینگ کوپه یتیریشچه، بیزلر امریکا بیلن ینگی فصل گه اساسلنگن علاقه گه اوتدیک او مملکت نینگ افغانستان امنیتی و دفاعی کوچلریگه بولگن همکارلیگی دوام ایته دی و اونینگ میکانیزمی اوستیده صحبت قیلینه دی.
جمهور رئیس غنی جنابلری، امریکا همده ناتو کوچلری افغانستاندن آلیب چیقیلیش زمانبدنلیگی همده کتگوری ترتیب و بو حربیلرنینگ تاسیسات همده حربی اسکونه لری بیزلرنینگ حربیلریمیزگه قالدیریلیشی حقیده هم صحبت بولیشی کیره ک لیگینی تیلگه آلدی.
جمهور رئیس غنی نینگ بیلدیریشیچه، تاسف بیلن افغانستان 42 ییلدن بیری اوروش گه روپه ره بولیب کیلگن، بیزلر طرف سیز مملکت بولیشنی ایسته میز و تینچلیک نی خوش قرشیله یمیز حال بوکه یره تیلگن فرصتنی طالبلر قولدن بیرماقده.
مذکور تیلفونی صحبتده مملکت تشقی ایشلر وزیری محمد حنیف اتمر هم گپیریب صلح باره سیده ایتیشیچه، افغانستان ناتو بیلن گپیریشی ممکن، ناتو حربی کوچلرینی آلیب چیققن دن سونگ اوزی نینگ اوزاق مدتلی همکارلیگی اینیقسه ترورچی گروه لرگه قرشی کوره ش گه قنده ی دوام بیره دی.
مملکت تشقی ایشلر وزیری، منطقه دولتلر و دنیا جماعه چیلیگی بیزلر بیلن همکار بولیشی کیره ک، طالبلر و پاکستان بیلیشی کیره ک که بو فرصتنی قولدن بیرمه سین.
شونینگدیک بو تیلفونی صحبتده مملکت بیرینچی خانمی عیاللرنینگ تورلی ساحه لرده گی سهمی باره سیگه اشاره قیلیب ایتیشیچه، عیاللرگه تیگیشلی تورلی شبکه لر ایجاد بولگن، حاضر اولر اوزلریدن نماینده لیک قیله دی، بیزلر آرتگه قیتمه یمیز خاتین – قیزلرنی کوچلنتیریش مهم دیر دیدی.
عین حالده، خاتین قیزلر وزیرلیگی سرپرستی حسینه صافی خاتین قیزلر وضعیتی و معارف وزیرلیگی سرپرستی رنگیه حمیدی باله لر، یاشلر اینیقسه قیزلرنینگ تعلیم و تربیه سی باره سیده به تفصیل گپیردیلر. شونینگ دیک، شهر قوریش وزیری محمد کرزی هسپانیادن 12 پروژه گه تخنیکی همکارلیک قیلیشی و د افغانستان بانک سرپرستی اجمل احمدی عیاللرنینگ تجاریتی برنامه لری کوچه یتیریلیشی خصوصیده همکارلیک ایسته دی.
اوشبو تیلفونی صحبت نینگ اداغیده هسپانیا تشقی ایشلر وزیری افغانستان تامانیدن بیلدیریلگن ایستکلرنی تصدیقلب، افغانستان تینچلیک پروسه سیدن اوز حمایتینی بیلدیردی. او، افغانستانده عیاللر سهمی کوچه یتیریشی توغریسیده علحیده اورغوله دی.
شونینگدیک او، بیزلر افغانستانده بولگن حمایتیمیز متعهد میز و دیجتالی بولیش همده شهری کینگه یتیریش لایحه لرگه همکارلیک قیلیشگه تیار میز دیدی.