جمهوریین اُستُمان کماش غنی گون هسپانیای ډنئ کارانی وزیرا تلیفنی گپ و هبر کُرت

افغانستانئ اسلامیین جمهوریتئ جمهوریین اُستُمان کماش محمداشرف غنی مروچی نیمروچا گون هسپانیای ډنئ کارانی وزیر ارانجا گوزالیز لایاگپ و هبر کُرت.به ای تلیفنین گپ و هبران وطنئ اول بانُک و لهتین دولتین کاردربر هم ات انت، هر دو نیمگ به سولئ لړ، به امریکایئ گُډین پیسله و گون افغانستانا به همکاریانی راگ مانگئ باروا بحث و گپ و هبر کُرت انت.جمهوریین اُستُمان کماش شه افغانستانا به امریکایئ تُپاکین ایالاتئ واکانی گُډین پیسله سرا اشاره کُرت و گُشت، ما دوسال دیما هم ای رازیئ نیت و اراده چم به راه ات انت، من گون جمهوریین اُستُمان کماش بایدن و آء وطنئ ډنئ کارانی وزیرا گپ و هبر کُرتون و به دو نیمگین منگ خطئ و به هاصین رازی به هر دو وطنانی نیاما امنیتی و ستراتیژکین رابطانی منگ خط به وتی جاگه انت.آء گیش کُرت، ما گون امریکا رابطه هانی نوکین موسما روانت، گون افغانین امنیتی و دیم پانین واکان آء وطنئ مدت رادگه مان ایت و به آوانی میکانیزمانی باروا گپ و هبره کن انت.جمهوریین اُستُمان کماش غنی گُشت، شه افغانستانا امریکا و ناتویئ واکانی دربوهگئ روچئ دراء بوهگ و کتگوریئ بریبرکنگ و به ای باروا که آء گجام تاسیسات و وسایلان په امئ واکان کیل انت، گپ و هبره بی ایت.جمهوریین اُستُمان کماش گُشت، آوانی در بوهگ بائید کچ و کاس بی ایت، همسروگین وطن و به هاصین رازی پاکستان بائید به وتی پیسله هان چم چاری بی ایت.جمهوریین اُستُمان کماش روش کُرت: په بژن که ۴۲ ساله بیت که افغانستان مان جنگا انت، ما لوټ انت که بی نیمه دارین وطنی بنت و به ای رازیئ جاوری سولا وش آتگیه گُشن که طالب په سولا به دست آتگین رساکا نه منته و رد کُرتان.به ای تلیفنین گپ و هبران ډنئ کارانی وزیر محمد حنیف اتمر به سولئ باروا گُشت، افغانستان گون ناتوا هبره دانت که شه وتی واکانی در کنگا و رندا وتی دراج وهدین همکاریان و به هاصین رازی به تروسپرینوکانی هلاپئ بهرا، چی راز رادگه سات ایت.آء گیش کُرت، آء مکلفیتان که به چمئ چیرا داریت، بائید به یک سیاسین منگی برس انت و ما به سولئ باروا گون ترکیه، قطر، امریکا و نیام اُستُمانین سازمانا کاره کن انت.ډنئ کارانی وزیر گُشت، سیم و دمگئ وطن و جهانین راج بائید گون ما همکار بنت، طالب و پاکستان ایشرا بزان انت که ایش یک رساکی و بائید شه دستا مه دینت.به ای تلفنین گپ و هبران وطنئ اول بانُک به جتاجتاین بهران شه زالبولانی بهر و ونډا یات کُرت و گُشت، زالبولانی شبکه جوړ بوتان و انون شه وت نمایندگیه کن انت ما پدا نه روانت و زالبولانی پرواکی دلگوشی مهم انت.همیراز زالبولانی کارانی وزارتئ سرپرست حسینه ساپئ به زالبولانی جاور و هالت و تعلیم رودینگئ وزارتئ سرپرست رنگینه حمیدی به کوچی و ورناهانی و به هاصین رازی به جنکوانی تعلیم و رودینگئ باروا گپ و هبر کُرت، شار جوړ کنگ و ډگاریئ وزیر محمود کرزی به ۱۲ هکتا ډگاریئ پروژه شه هسپانیایی تهنیکین پلامرزی و د افغانستان بانکئ سرپرست اجمل احمدی زالبولانی سوداگرین برنامه هانی و دیجیتلی کنگئ پُرواکنگئ لوټگا کُرت.به ای تلیفنین گپ و هبرانی گُډسرا هسپانیای ډنئ کارانی وزیر افغانستانئ به دولتئ لوټگانی منگئ وهده، به سولئ لړ و به جتاجتاین بهران شه افغانین زالبولانی بهر و ونډیئ پُرواکیا وتی پلامرزیا روش کُرت و گُشت، گون ناتویئ باسکین وطنان به افغانستانئ گیشترین پلامرزیئ باروا گپ و هبره کن انت.آء همیراز روش کُرت، ما گون افغانستانا وتی پلامرزیا رادگه سات انت و به دیجیتلی کنگ و شارین ود و دیمریئ بهرا وتی پکارین همکاریان کن انت.