افغانستانئ اسلامیین جمهوریتئ جمهوریین اُستُمان کماش محمداشرف غنی گون ادارین اصلاهات و ملکین هذمتانی وت واکین کمیسونئ کماش احمدنادرنادری و تعلیم و رودینگئ وزارتئ سرپرست رنگینه حمیدی به گندونندی، مان تعلیم و رودینگئ وزارتا اصلاهاتئ ود و دیمریئ رپوټا اوشکیت.به ای گندونندا که مروچی پیشینی به ارگا تسر بوت، ای ذمه دار به تعلیم و رودینگئ وزارتا به اصلاهات و به هاصین رازی به تشکیلاتین اصلاهاتانی ود و دیمریئ باروا وتی رپوټا گون جمهوریین اُستُمان کماشا شریک کُرت انت.جمهوریین اُستُمان کماش غنی شه رپوټئ اوشکتنا و رندا به تعلیم و رودینگئ وزارتا به اصلاهاتانی لړیئ پُرواکی و شه بشرین بُن چمگانی مدیریتئ سیستمئ راها معاشانی دیگئ لړیئ سرا سوگه کُرت.
جمهوریین اُستُمان کماش غنی مان تعلیم و رودینگئ وزارتا اصلاهاتانی ود و دیمریئ رپوټا اوشکیت
