افغانستان اسلامی جمهوریتی جمهور رئیسی محمد اشرف غنی کېچه جمهوریت شفاخانه سیگه باریب، مذکور شفاخانه نینگ عمومی وضعیتینی اۉرگنیشدن علاوه، بسترده بۉلگن کسللرنی کۉریب، اولرگه درست یېتیشیلیشی اوچون تېگیشلی مسووللرگه لازم بویروق تاپشیردی.
جمهورلیک ریاستی ایشلری بۉییچه عمومی اداره باشلیغی داکتر فضل محمود فضلی آرقه لی یۉلداشلیک قیلینگن جمهور رئیس غنی گه جمهوریت شفاخانه سی نینگ باشلیغی محمدالله علیشنگی اوشبو شفاخانه نینگ عمومی وضعیتی و یوتوقلری باره سیده معلومات بېردی. بوندن تشقری او، بو شفاخانه ده گی بعضی بیر معمالر حل بۉلیشی تۉغریسیده اۉزی نینگ پیشنهادلرینی جمهور رئیس بیلن اۉرته گه قۉیدی.
اوشبو شفاخانه نینگ مسووللری، داکترلری، نرسلری و بوتون خادملری نینگ ایشلریدن منتدارچیلیک اظهار قیلگن غنی جنابلری، کسللرگه درست قره ش اوچون اولرگه لازم بویروق تاپشیردی.
باشقه تاماندن مملکت جمهور رئیسی، شفاخانه لرنی اصلاح اېتیش بۉییچه تعیینلگن تیمگه مسووللر، متخصصلر، داکترلر و نرسلر بیلن بیرگه لیکده جمهوریت شفاخانه سیده گی قیینچلیک حل اېتیلیشی خصوصیده اۉز پیشنهادلرینی یازمه شکلده ترتیب بېریب جمهورلیک ریاستی عالی مقامیگه بېریشلرینی سۉره دی.
سۉنگره، مسووللر، متخصصلر و مذکور شفاخانه نینگ معالج داکترلری، جمهوریت شفاخانه سی یخشیله نیشی و کسللرگه زمانوی خذمت کۉرسه تیش حقیده هر قنده ی سعی وحرکت قیلیشگه تیار اېکن لیکلریدن جمهور رئیس غنی جنابلریگه ایشانچ بېردیلر.#