لوگر ولایتیده طالبان گروهی نینگ بشری جنایتیگه تیگیشلی مطبوعاتی اعلامیه

ارگ، کابل: طالبلر گروهی بوگون شام لوگر ولایتی مرکزی پل علم شهریده پارتلاوچی ماده گه تولدیریلگن موترنی پارتله تیشی نتیجه سیده کانکور سیناوینی اوتکزیش اوچون مهمانخانه ده توره دیگن یاشلر قوشیمچه بیر قنچه گناه سیز وطنداشلریمیزنی افطار پیتیده شهید و یره لنتیردی. 

جمهور رئیس غنی جنابلری بو تروریستی حادثه نی قتّیق قاره لش بیلن بیرگه، طالبلر رحمت و کیچیریب آیی بولگن رمضان مبارک آییده هم اهالینی اولدیریش و عام المنفعه مکانلرگه زیان ییتکزیشنی توختتمه یدی دیدی. طالبلر افغانستانلیک مسلمانلرنی جمعی شکلده اولدیرگنی اوچون الله متعال درگاهی و افغانستان خلقی آلدیده مسوول دیر.

جمهور رئیس گه کوره، طالبلر مشروع بولمه گن اوروش و مردم نینگ برابریده بولگن خشونت گه دوام بیریش بیلن، حاضرگی بحران حل بولیشی اوچون هیچ قنده ی اراده سی بولمه گنی، بلکه وضعیت نی مرکب ایتیش بیلن صلح اوچون یره تیلگن فرصتنی بای بیریشگه اولگوره دیلر. 

شهیدلر عایله اعضالریگه اوزی نینگ چوقور قیغوداشلیگینی بیلدیرگن جمهور رئیس غنی، تیگیشلی اداره لر مسووللریگه یره لنگنلر دواله نیشی و قربانلر عایله سیگه ییتیش اوچون لازم بویروق تاپشیردی. مملکت امنیتی و دفاعی کوچلریگه طالبلرنینگ بو جنایتی جواب سیز قالمس لیگی اوچون هم بویروق بیردی مملکت جمهور رئیسی.#