البیرونی بیلیم یورتی استادلریگه قرشی عملگه آشیریلگن حادثه حقیده مطبوعاتی اعلامیه

ارگ، کابل: تاسف بیلن بوگون البیرونی بیلیم یورتی استادلری مینیلگن موتر کاپیسا یۉلیده افغانستان خلقی نینگ دشمنلری تامانیدن یاپشتیریلگن ماین آرقه لی نشانگه آلیندی، بونینگ نتیجه سیده بیر قطار استادلر شهید و ایریملری یره لندی.

جمهور رئیس غنی بو ترورچیلیک حادثه نی قتّیق قاره لشدن علاوه، افغانستان خلق نینگ دشمنلری مملکت رواجله نیشی، بیلیم و معرفتگه قرشی اېکنلیکلرینی ینه بیر بار بېللی قیلدیلر دیدی.

جمهور رئیس نینگ بیلدیریشیچه، ترورچی گروهلر بونده ی هجوملرنی عملگه آشیریش بیلن هیچ بیر پیت کېله جک اولادنی تربیه لش یۉلیده استادلریمیز و بیلیمدانلریمیزنینگ اراده سیگه سلبی تاثیر قالدیره آلمه یدیلر.

بو حادثه هر تامانلمه تېکشیریلیشی اوچون تېگیشلی اداره لرگه بویروق تاپشیرگن جمهور رئیس غنی، شهیدلر عایله اعضالریگه اۉز قیغوداشلیگینی اظهار قیلیب و یره لنگنلر بوتکول ساغه لیشینی بویوک الله تعالی دن سۉره یدی.#