میناخیری شهادتی مناسبتی بیلن مطبوعاتی اعلامیه

ارگ، کابل: ترورچیلر اوزی نینگ جنایتی دوامیده اوتگن کون کابل شهریده بیر تونسده پارتلش عملگه آشیریب آریانا نیوز تلویزیونی نینگ «آغاز صبح» برنامه سی نینگ مجریسی مینا خیری قوشیمه آنه سی و باشقه بیر قنچه وطنداشلریمیزنی شهید و یره لنتیردیلر. 

جمهور رئیس محمد اشرف غنی بو ترورچیلیک حادثه نی قتّیق قاره لب ایتیشیچه، ترورچیلر افغانلر اوستیده زوروانلیکنی آشیریش و قورقینچ فضا یره تیش بیلن خلقیمیزنینگ نفرتیدن بولک باشقه نرسه قولگه کیریته آلمه یدیلر. 

جمهور رئیس غنی، مردم برابریده گی ناقانونی اوروشنی دوام ایتتیریش و خشونتلر کوپه یتیریش اسلامی، انسانی و معقول بیر یول ایمس، بو مملکت وضعیتینی کوپراق یامانلشتیریش صلح اوچون یره تیلگن فرصتنی ضایع ایته دی دیگن. 

جمهور رئیس تیگیشلی اداره لر مسووللریگه حادثه هر تامانلمه تیکشیریلیشی و واقعه عامللری قولگه آلینیشی اوچون بویروق تاپشیریب، شهیدلر عایله اعضالریگه اوز قیغوداشلینی بیلدیریب، یره لنگنلرنی تیزلیکده ساغه لیشینی سوره دی.