جمهور رئیس نینگ قیزیل خاج خلق ارا کمیته سی ینگی باشلیغی بیلن تعارفی اوچره شووی

جمهور رئیس نینگ قیزیل خاج خلق ارا کمیته سی ینگی باشلیغی بیلن تعارفی اوچره شووی

جمهور رئیس محمد اشرف غنی بوگون توشدن آلدین قیزیل خاج خلق ارا کمیته سی نینگ افغانستان بۉییچه ینگی باشلیغی ایلوا فیلیون بیلن اوچره شدی. ارگ ده بۉلیب اۉتگن بو اوچره‌شووده هر ایکّی تامان هم افغانستانده زۉرآونلیک اوج آلیب باره‌ یاتگنیدن، تینچ اهالی و حربيلرنینگ قربان بۉلیشیگه آلیب کېلگن خواطرلرینی بیلدیردی. افغانستان اوچون قیزیل خاج خلق ارا کمیته سی نینگ سابق باشلیغی، ایلوا فیلیوننی بو کمیته نینگ ینگی باشلیغی صفتیده تانیشیریشدن علاوه، بیزلر افغانستان خوفسیزلیک و دفاعی اداره لر و سکتورلری بیلن انسان حقوقلری و خلق ارا قانونگه موافق بو کوچلردن حمایت قیلیش اوچون ایشله یمیز، هر قنده ی بیر تخلف یوز بېرگن حالده، اونی هر تامانمله تېکشیریب اصلاحی چاره – تدبیرلرنی قۉلگه آله میز دېدی.اونینگ کۉپه یتیریشیچه، افغانستان اوچون قیزیل خاج خلق ارا کمیته سی افغانستان اسلامی جمهوریتی دولتی همده طالبلرنینگ دوحه ده گی هیاتی بیلن تیلفون آرقه لی تماس ده بۉلیب، انسان حقوقلری بۉییچه خلق ارا قانونلرگه تېگیشلی مساله لرنی یېریک بیر بحث صفتیده تینچلیک مذاکره گه نظرده توتیشلرینی ایسته یمیز.سۉنگره، جمهور رئیس غنی، قیزیل خاج خلق ارا کمیته سی نینگ افغانستان اوچون گزارشلری طرف سیز اېمس و گزارشلر اوشبو کمیته نینگ منشوری اساسیده تیارله نیب نشر بۉلیشی ضرور دېدی. شونینگدېک ماین اۉرنه تیشلر حقیده بو کمیته نینگ هیچ قنده ی عکس العملی یۉق دېدی او. دوحه ده گی صلح مذاکره لریده انسان حقوقلری بۉییچه بحث گه هیچ قنده ی اعتبار قره تیلمه گنینی تیلگه آلگن جمهور رئیس غنی، انسان حقوقلری اوشبو بحث نینگ مهم موضوعی بۉلیشی کېره ک دېدی. بیزلر تینچلیک مذاکره لرنی قبول قیله میز، لېکن طالبلر تامانی مذاکره اوچون حاضر اېمس لر دېدی غنی جنابلری.افغانستان دن خلق ارا حربی قۉشینلر آلیب چیقیلیشی حقیده گی قرارگه اشاره قیلگن جمهور رئیس نینگ سۉزلریگه کۉره، بو ایش بیلن ینگی مناسبت فصلی اۉرته گه کېلگن و بیزلر امریکا قۉشمه ایالتلری حمایتی آستیده میز، اما افغانستان اۉزینی – اۉزی حمایت قیلیشیگه تاکیدله یمیز، بو اېسه خلق ارا یاردملرگه احتیاج قالمسلیک، سوونی باشقریش و مهم آستقور پروژه لرنی عملگه آشیریش بیلن بیز اۉز مقصدیمیزگه اېریشگن بۉله میز.