چین اولکه سی نینگ ۷۰۰ مینگ دوز واکسینی افغانستانگه کېلدی

چین اولکه سی نینگ ۷۰۰ مینگ  دوز واکسینی افغانستانگه کېلدی

جمهور رئیس محمد اشرف غنی، چین اولکه سی نینگ کروناگه قرشی یاردم کۉرستگن ۷۰۰ مینگ دوز واکسینی افغانستانگه کېلتیریلگنی مناسبتی بیلن اۉتکزیلگن مراسمده، واکسین حایت نی ساوغه قیلیش دیر، بو یاردملر اوچون چین دولتگه تشکرلیک اظهار قیلدی.

انه شو مناسبت بیلن ارگ نینگ چهار چنار قصری میدانیده اویوشتیریلگن مراسمده، جمهور رئیس افغانستان و چین نینگ ایریم بۉلیملرده گی علاقه سی اینیقسه اقتصادی، تجارتی و ترانزیت بۉلیمیده گی مناسبتلری کېنگه یگنیگه اشاره قیلیب، مملکت ساغلیقنی سقلش بۉییچه سکتوری نینگ وضعیتی اۉتگن ایکّی موج گه قره گنده یخشیلشگن دیر دېدی. آدملرنینگ داکترلر و مملکت ساغلیق تیزیمگه بۉلگن ایشانچی آشگن و ساغلیق سکتوری جمهورلیک ریاستی نینگ بوتونله ی حمایتیگه اېگه لیگینی ایتدی.

جمهور رئیس غنی اۉزی نینگ صحبتلری اداغیده افغانستان خلقی کرونا ویروس نینگ اوچ موجی ده هم اۉزلری نینگ قابلیت و توانمندلیکلرینی کۉرستدیلر دېدی. او کابل والسی گه خصوصی سکتورنی کرونا ویروسگه قرشی کوره ش بۉییچه کۉپراق فعال بۉلیشگه اونده شی اوچون بویروق بېردی.

بو مراسمده ساغلیقنی سقلش وزیرلیگی نینگ سرپرستی افغانستان ساغلیق تیزیمی جمهور رئیس آرقه لی حمایت اېتیلگنی و شونینگدېک چین اولکه سی نینگ کروناگه قرشی ۷۰۰ مینگ دوز واکسین و بېش میلیون بهاسی بۉلگن طبی اوسکونه لر یاردم کۉرستگیندن تشکرلیک قیلدی.

شونینگدېک چین نینگ افغانستانده گی اېلچیسی وانگ یو گپیریب، کروناگه قرشی کوره شیش بۉیچیه مملکتی افغانستانگه کۉپراق یاردم کۉرسه تیشیدن ایشانچ بېردی. او، صلح پروسه سیدن حمایت بیلدیریش دن علاوه، افغانستان ده دایمی صلح و برقرارلیک تامینله نیشینی آرزو قیلدی.#