جمهور رئیس غنی رسمی بیر سفر بیلن امریکا قوشمه ایالتلریگه باردی

ارگ، کابل: جمهور رئیس محمد اشرف غنی بوگون کیچقورون دولت نینگ یوقاری مرتبه لی هیاتی باشچیلیگیده رسمی بیر سفر بیلن امریکا قوشمه ایالتلریگه جونب کیتدی.

جمهور رئیس غنی اوشبو سفر جریانیده امریکا قوشمه ایالتلری جمهور رئیسی جوبایدن، ایریم بلند مرتبه لی رسمیلر و او مملکت کانگرس اعضالری و تاثیرلی شخصیتلر بیلن ایری – ایری اوچره شیشی کوتیله دی. جمهور رئیس اولر بیلن ایکّی مملکت اورته سیده گی ینگی فصل دوامی، دیپلوماتیک مناسبت کوچه یتیدیلیشی، افغانستان امنیتی و دفاعی کوچلری تمویل ایتیلیشی و ترورچیلیککه قوشمه قرشی کوره شیش و امریکانینگ اقتصادی و رواجله نیش همکارلیگی باره سیده بحث قیلیب فکر المشتیریشلری ایتیله دی.

مملکت جمهور رئیسینی مذکور سفرده جمهورلیک ریاستی نینگ بیرینچی اورین باسری امرالله صالح، ملی مصالحه عالی کینگشی باشلیغی داکتر عبدالله عبدالله، تشقی ایشلر وزیری محمد حنیف اتمر، ملی خوفسیزلیک مصلحتچیسی داکتر حمدالله محب، جمهورلیک ریاستی نینگ اداره عامه و استراتیژیک اداره سی باشلیغی وحید عمر، عبدالمتین بیگ، داکتر حبیبه سرابی، فاطمه گیلانی، افغانستان اسلامی جمهوریتی نینگ مذاکره قیلووچی هیات اعضالری و افغانستان انسان حقوقلری بوییچه مستقل کمیسیون باشلیغی شهرزاد اکبر یولداشلیک قیله دیلر.