خاص عملیاتلر کوچلریگه خطاب قیلگن جمهور رئیس: جسارت بیلن یاوونینگ بیلینی سیندیردینگیز

خاص عملیاتلر کوچلریگه خطاب قیلگن جمهور رئیس: جسارت بیلن یاوونینگ بیلینی سیندیردینگیز

جمهور رئیس همده قوراللی کوچلر باش قوماندانی محمد اشرف غنی بوگون توشدن آلدین خاص عملیاتلر قول اردوسینی باریب کوریب اولرنی هییت بیلن تبریکلب ایستک و پیشنهادلرینی ایشیتدی.

بیرینچیدن بریدمل شیراجان و بریدمل محمد عمر باشقه لر نماینده لیگیده گپیریب، خاص کوچلرنینگ یوکسک انگیزه سی، مورالی و بلند قابلیتی بار و هر قنده ی بیر شرایط ده تیزیم، جمهوریت ومملکت خلقینی قوللب قووتله یدی دیدیلر.

اولرنینگ سوزلریگه کوره، افغانستان برچه افغانلرنینگ مشترک اویی دیر و تیریک میز بو یورتنی سقلب اونی حمایت قیلیش بیزلرنینگ ملی بورچی میز دیر.

منصبدارلرنینگ ایستک و پیشنهادلرینی ایشیتگن جمهور رئیس غنی، سیزلرنینگ فداکارلیگینگیز و جسارتینگیز بیلن فخرلنه من و شجاعتینگیز بیلن دشمننی بیلینی سیندیردینگیزلر دیدی.

مملکت جمهور رئیسی نینک کوپه یتیریشیچه، طالبلرنینگ دینی و ملی مشروعیتی یوق دیر، اوچ آیدن آلتی آیگچه بیزلرنینگ برچه تمرکزیمیز حاضرگی وضعیتنی باشقریش و مخصوص برنامه و ریجه لر اساسیده ایجابی اوزگریش کیله دی.

جمهور رئیس سوزلری نینگ اداغیده تیگیشلی مسووللرگه، بیلدیرگن ایستک و پیشنهادلرینگیز اورگنیله دی و بو توغریده لازم چاره تدبیر کوریله دی دیب ایتدی.#