باش صحیفه / کوتی باغچه

کوتی باغچه ‌نینگ کیریش دروازه‌سی

«کوتی باغچه» ارگ‌ده قوریلگن ایلک قصرلردن حسابلنه‌دی. بو قصر ۳۰۰ متر مربع حدودده اَیلنه شکلده ایکّی قوتده قوریلگن.

کوتی باغچه تېموریلر دوریگه عاید معمارلیک سبکیده قوریلگن. بو بنانینگ تاقلری، کمانلری و اونینگ تاقچه‌لری تېموریلر دوری‌نینگ معمارلیک سبکیده قوریلگنیگه اۉخشه‌یدی.

امیر عبدالرحمن‌خان مهندسلر و اوسته‌لرنی قندهاردن کابل‌گه چقیریب  ارگ‌ بنالری‌نینگ قوریلیش ایشلرینی بولرگه تاپشیرگن. اوسته‌لر کوتی باغچه قصرینی تېموریلر معمارلیک سبکیدن فایده‌له‌نیب لایحه چیزگن. کوته باغچه‌نینگ قوریلیش ایشی ۱۳۰۰ ییلده باشله‌نیب قمری ۱۳۰۴ ییلده بیتتیریلگن. اوشبو قصرنینگ بیر قسمی موزیم اوچون هم ایشله‌تیلگن.  ۱۳۰۳- ییلده کابل‌نینگ باغ‌بالا منطقه‌سیدن ارگ‌نینگ کوتی باغچه قصریگه کۉچیریلیب کېلگن موزیم ۱۳۱۰ – ییلگچه شو یېرده قالگن.  نادرخان زمانیده موزیم بو یېردن دارالامانگه آلیب باریلگن. محمد ظاهرشاه بویروغی اساسیده شاهی کتابخانه‌سی کوتی باغچه‌ده تاسیس قیلینگن.