باش صحیفه / سلام‌خانه قصری

کلاسیک معمارلیک سبکیده قوریلگن سلام‌خانه قصری حاضرگی قلعه‌نینگ شمال شرقی قسمیده جایلشگن. بو بیر قوتلی قصر. قصر ۱۲۰متر اوزونلیک، ۴۰ متر اېن و ۲۰ متر  یوقاریلیکده قوریلگن. بو قصر یېریک بیر تلار شکلیده برنده‌لی قیلیب قوریلگن. قصرگه بیر وقتده بیرمینگ کیشی سیغیشی مۉل‌جللنگن. شونینگ اوچون هم کتّه بیرملر و هه‌ییت کونلری شو قصرده اۉتکزیله‌دی. بو قصر سلام‌خانه‌ دېب ناملنه‌دی.

مخصوص کونلرده اېل – اولوس شو قصرده پادشاهگه سلام بېررکنلر و کۉپینچه حکومت‌نینگ رسمیلری و عادی خلق پادشاهگه هه‌ییتنی تبریکلش و حرمت قیلیش اوچون سلام‌خانه‌گه کېلرکنلر. بیرینچی صامت فلم قویاش ۱۳۰۰ کابل‌گه کېلتیریلیب سلام‌خانه قصریده کۉرستووگه قۉییلگن. شونینگدېک افغانستان‌نینگ ایلک پارلمانی هم قویاش ۱۳۰۹- ییلده انه شو قصرده رسمن آچیلگن و پارلمان‌نینگ مرکزی هم شو قصرنینگ اۉزی بۉلگن.