باش صحیفه / چهار چنار قصری

بو قصر ارگ قلعه‌سی‌نینگ جنوب غربی، سابق آرشیف بناسی، کوتی باغچه اۉرته‌ قسمی و ارگ‌ نینگ چهار چنار قرشیسیده اوچ قبتده پیشیب و زمانوی قیلیب قوریلگن. چهار چنار قصری‌نینگ قوریلیش ایشی میلادی ۲۰۰۸- ییلده باشله‌نیب میلادی ۲۰۱۰ ییلده یکونلنگن. بو قصر چین خلقی جمهوریتی‌نینگ مالی کۉمکی حسابیده بو مملکت‌نینگ انجنیرلری آرقه‌لی قوریلگن.

چهار چنار کنفرانسلر و رسمی ییغینلر اۉتکزیلیشی اوچون قوریلگن عجایب بیر قصر. محتشم قیلیب قوریلگن بونینگ بیرینچی قوتیدن هر قنده‌ی کنفرانس و ییغینلرده ایش آلینه‌دی.   کۉپینچه پیتلر کابینه‌نینگ ییغینلری هم منه شو تالارده بۉلیب اۉته‌دی. شونینگدېک جمهور رئیس‌نینگ مطبوعاتی کنفرانسلری، ملی لایحه‌لر بیتیمنی امضالش، جمهور رئیس‌نینگ آدملر، حکومت‌نینگ مسووللری و خادملری اوچره‌شیشی، مذهبی و ملی بیره‌ملر و باشقه ییغینلر منه شو قصرده بۉلیب اۉته‌دی. بو قصر میلادی ۲۰۱۰- ییلده سابق جمهور رئیس، چین خلقی جمهوریتی‌نینگ افغانستانده‌گی ایلچیسی چین حکومتی‌نینگ نماینده‌لری اشتراکیده رسماً آچیلیب فایده‌له‌نیشگه تاپشیریلدی.