افغانستان اسلامی جمهور رئیسی نینگ قیغوداشلیک پیامی

حضرت آیت‌الله‌العظمی محقق کابلی یولیققن کسللیک طفیلی حیاتدن کۉز یومگنینی اېشیتیب آغیر قیغوگه باتدیم.

انالله‌ واناالیه راجعون

رحمتلی محقق کابلی دینی و اسلامی قدیریتلرنی تبلیغ قیلووچی ایلغار و اتاقلی شخصیتلردن بیری اېدی. او، اسلام جمعیتی یاروتیلیشی اوچون مهم و ارزیگولیک ایشلرنی عملگه آشیرگن ضیالی بیر کیشی اېدی.

آیت‌الله محقق کابلی ییگیرمه ییلدن آرتیق عالمیلک لوازیمیده بۉلیب، دینی بیلیملر ساحه‌سیده یوزلب اۉقووچینی یېتیشتیرگن بویوک دین عالملردن سنله‌دی. اونینگ بې‌وقت حیاتدن کۉز یومیشی دین، فقه و مملکت روحانیت جامعه‌سی اوچون یېریک بیر یوقاتیش بۉلدی.

انه شو مناسبت بیلن رحمتلی‌نینگ عایله اعضاسی و بوتون افغانستان خلقیگه اۉز قیغوداشلیگیمنی بیلدیره‌من. رحمتلی‌گه الله تعالی جنت نصیب قیلسین و آرتده قالگنلریگه تېنگری صبر و برداش بېرسین.

رحمتلی آیت‌الله محقق کابلی‌نینگ فاتحه مراسمی کېلگوسی هفته سننی و شیعه مذهبلی دین عالملری و دولت‌نینگ بلند مرتبه‌لی رسمیلری حضوریده جمهور رئیس غنی تامانیدن جمهور ریاستی رئیسلیک سراییده آلینه‌دی.

افغانستان اسلامی جمهورلیک ریاستی‌نینگ جمهور رئیسی محمد اشرف غنی